Vörhofffladdern

Vun Wikipedia
Zur Navigation springen Zur Suche springen

Bi dat Vörhofffladdern, in'e Fackspraken ok afsolute Arrhythmie nömmt, hannelt sik dat um en Hartrhythmusstören, de vörbi geiht (paroxysmal Fladdern) oder de duerhaftig blifft (permanent Fladdern). Dor sünd de Vörhöve vun dat Hart bi dör'nanner kamen un slaht nich so, as se dat schollen. Vörhofffladdern speelt mank de eernsthaftigen Hartrhythmusstörens en bannige Rull, vunwegen datt se faken vörkamen deit. Alleen in Düütschland gifft dat bi 300.000 Minschen, de dor an lieden doot. Vun bi 70 Perzent vun de Vörhofffladder-Anfäll kriegt de Patienten nix mit. Wenn se wat mitkriegt, klaagt se meist over ganz allgemeen Beweer, as dat se miteens mööd weert un ganz af sünd, Hartpuckern hefft un datt se nich slapen könnt. 70-80 % vun de Patienten, de Symptome wiesen doot, spöört Hartjachtern.[1]

An dat Vörhofffladdern hangt en höger Risiko for Daalsläge un Hartslappde an. Wenn dat nich behannelt warrt, könnt de Kranken fixer doot gahn (högere Mortalität)[2]De meisten Lüde könnt mit Medikamente oder dör Ingreepe vun Dokters good behannelt weern un leevt achternah denn normol oder meist normol mit ehre Krankheit.

Wo Vörhofladdern vörkamen deit[ännern | Bornkood ännern]

Video wiest den Mechanismus vun Vorhoffladdern. Engelsch mit hoochdüütsche Unnertitels.

Vörhofffladdern gifft dat bi 1-2 % vun all Lüde. Dat bedutt, datt sik in ganz Europa bi 6 Mio. Lüde finnt, de dor an lieden doot. Bi Lüde unner 40 Johre sünd bloß 0,5 % bedrapen. Bi Lüde over 80 kladdert de Andeel up mehr as 15 %. Mannslüde kriegt dat fökener, as Froenslüde, dat Leevtiedrisiko bi Personen over 40 Johre liggt bi 25 %. Wenn en Hartsüke bestahn deit, liggt dat Risiko for Vörhofffladdern höger, je nadem, wie dull düsse Krankheit is. Bi en Hartslappde finnt sik in 30-40 % vun all Fäll en Vörhofffladdern.

Belege[ännern | Bornkood ännern]

  1. Mewis, Riessen, Spyridopoulos, Kardiologie compact – Alles für Station und Facharztprüfung, 2. Uplage. Bi Thieme, Stuttgart / New York, 2006, ISBN=3-13-130742-0, S.532, 535, 536
  2. Bezeichnung. Camm u. a.: 2012 focused update of the ESC Guidelines for the management of atrial fibrillation: An update of the 2010 ESC Guidelines for the management of atrial fibrillation * Developed with the special contribution of the European Heart Rhythm Association. In: European Heart Journal. Band 33, Nummer 21, November 2012, S. 2719–2747. doi:10.1093/eurheartj/ehs253. PMID 22922413.