Hart
Dit Woort hett noch annere Bedüden: kiek dorför ünner Hart (Mehrdüdig Begreep).
Dat Hart is en Organ, dat den Bloodkreisloop in’e Gang höllt. Dat Hart deit sik rhythmisch tohooptrecken un pumpt dat Blood ut de Hartkamern in de Aorta. Dat Hart is ans nix as en groten Muskel, de aver en beten en besünnere Struktur hett un anatoomsch en egenen Typ Muskel dorstellt, den Hartmuskel.
Bi de Söögdeerten hett dat Hart twee Kamern. De rechte pumpt dat Blood na de Lung hen, dat dat Blood Suurstoff opnehmen kann, un de linke pumpt dat Blood mit’n Suurstoff in denn dör’n Körper överall hen, woneem de Suurstoff bruukt warrt.