Hartrhythmusstören

Vun Wikipedia
Zur Navigation springen Zur Suche springen

En Hartrhythmusstören oder kortweg Rhythmusstören kann up allerhand Dör'nanner bi dat Slahn vun dat Hart henwiesen. Wat so n Rhythmusstören bedüden deit, kann heel un deel ut'neenlopen. Dat geiht vun sunner Gefohr (u.a. wenn dat Hartslahn henn un wenn mol dör'nanner geiht, as wenn dat Hart strumpeln dö, wat bi jedeen Minschen af un an vörkamen deit. De Mediziners nömmt dat en Extrasystole) bit hen to dat Doodgahn binnen enkelte Minuten (as bi dat Vörhofffladdern, wenn dat Hart vunwegen en Störung rein gor nich mehr pumpen kann).

Wenn dat Hart to gau slahn deit (mehr as 100 Släge pro Minuut), warrt vun Tachykardie snackt, wenn dat to langsam sleiht (unner 60 Släge in de Minuut) nömmt de Dokters dat Bradykardie. Dat kummt avers ok vör, datt de Hartfrequenz normal is, man de Rhythmus unregelmatig, as bi de boven nömmte Extrasystole.