Hartslappde

Vun Wikipedia
Zur Navigation springen Zur Suche springen

Vun Hartslappde oder in'e Fackspraak Hartinsuffizienz warrt snackt, wenn dat Hart nich richtig arbeiden deit un dat nich schafft, dat Blood, wat dat Lief bruken deit, dorhen to pumpen, wo dat henmutt, ohn, datt de Druck in de Vörhöve hooch geiht.[1][2]

De Naam[ännern | Bornkood ännern]

De Begreep Hartslappde passt nich ganz akraat to dat, wat hier vörliggen deit. Denn bi Hartslappde hannelt sik dat nich bloß dor um, datt dat Hart vunwegen sien Krankheit nich mehr richtig pumpen kann (systoolsche Hartinsuffizienz) oder datt de Hartmuskel man af is. Nee, dat kann ok angahn, datt dat Hart woll good pumpen kann, un de Hartkamer warrt leifig leddig pumpt, man achternah klappt dat mit dat Upfüllen nich, vunwegen dat de Hartmuskeln nich loslaat un Bott geevt (Diastoolsche Hartinsuffienz).

Hartverseggen[ännern | Bornkood ännern]

En akute, swaare Hartslappde warrt towielen Hartverseggen nömmt. Sunnerlich up Dodenschiene bi de Liekenschau warrt düsse Begreep faken bruukt, ofschoonst nich kloor fastleggt is, wat he akraat bedüden deit. Kritikers meent, Hartverseggen stunn sunnerlich vundeswegen faken as Grund up'n Dodenschien, wiel amenn bi jedeen Doden dat Hart mol uphöört hett, to slahn. De Krankheit, de den Dood würklich brocht hett, warrt avers faken gor nich groot unnersocht.

Belege[ännern | Bornkood ännern]

  1. Felix Anschütz: Herzinsuffizienz, Aesopus-Verlag, Basel und Wiesbaden 1984, 164 Seiten, ISBN 3-87949-095-3.
  2. Felix Anschütz: Die chronische Herzinsuffizienz, Aesopus Verlag, Basel 1988, 172 Seiten, ISBN 3-905031-12-4.

Weblenken[ännern | Bornkood ännern]

Commons-logo.svg Hartslappde. Mehr Biller, Videos oder Audiodateien to’t Thema gifft dat bi Wikimedia Commons.