Thilo Sarrazin

Vun Wikipedia
Thilo Sarrazin Juli 2009

Thilo Sarrazin (* 12. Februar 1945 in Gera) is en düütschen Politiker vun de SPD. Vun 1975 af an is he in’n Opentlichen Deenst togange. Butendem hett he vun 2000 bit 2001 ok bi de Düütsche Bahn AG mit arbeit’. Vun 2002 bit April 2009 is he Finanzsenater in Berlin ween un vun Mai 2009 af an höört he to den Vörstand vun de Düütsche Bundsbank mit to. Sarrazin is verheiraat mit Ursula Sarrazin, b. Breit, un hett twee Söhns.[1]


Sien Weg[ännern | Bornkood ännern]

Thilo Sarrazin is de Söhn vun en Dokter, de ut eene Familie vun Hugenotten afstammt. Siene Mudder stamm ut eene Familie, de in Westpreußen en Goot harrt hett. Sarrazin is in Riäkelhusen groot wurrn. As he sess Johre oolt weer, keem he in en Kinnerheim na Bayern.[2][3][4] Sien Abitur hett he in Riäkelhusen an dat Gymnasium Petrinum maakt. Dor weert sunnerlich de olen Spraken lehrt. Achterna hett he sien Wehrdeenst afleist’ un hett denn vun 1967 bit 1971 Volksweertschopslehr an de Universität in Bonn studeert. Denn is he Assistent wurrn an dat „Institut für Industrie- und Verkehrspolitik der Universität Bonn“. Dor hett he ok 1973 sien Dokter to’n Dr. rer. pol. maakt.[5] Vun November 1973 bit Dezember 1974 is he wetenschopplichen Anstellten bi de Friedrich-Ebert-Stiftung ween. In düsse Tied is he ok in de SPD inträen.


Vun 1975 af an is he in den Bund sien Opentlichen Deenst togange. Vun 1975 bit 1978 hett he as Referent in dat Bundsministerium för Finanzen arbeit’. Vun dor is he 1977 na Washington, D.C. na den Internatschonalen Geldfonds henstüert wurrn. Achterna weer he bit 1981 Baas vun en Referat in dat Bundsministerium för Arbeit un Sozialordnung un hett veel tohopenarbeit mit Bundsfinanzminister Hans Matthöfer un den sien Nafolger Manfred Lahnstein. As dat mit de Sozialliberale Koalitschoon in’n Oktober 1982 toenne gahn weer, is Sarrazin in dat Bundsministerium för Finanzen bleven. Dor weer he Baas vun en Reeg vun Referate, dormank dat Referat „Innerdeutsche Beziehungen“. In düt Referat is de düütsch-düütsche Geld-, Weertschops- un Sozialunion in Gang bröcht wurrn. In düsse Tied weer he to’n Deel ok för den Iesenbahnverkehr tostännig.[6]

Vun 1990 bit 1991 hett Sarrazin för de Treuhandanstalt arbeit’. Achtern ais he bit 1997 in Rhienland-Palz Staatssekretär in dat Ministerium för Finanzen ween. Dornah weer he Vörsitter vund e Geschäftsföhrung vun de Treuhandliegenschaftsgesellschaft (TLG).


Düütsche Bahn AG[ännern | Bornkood ännern]

Twuschen Vörjohr 2000 un dezember 2001 is Sarrazin bi de Düütsche Bahn AG anstellt ween. Toeerst weer he för veer Maande Baas vun de Interne Revischoon[7] un denn, vun’n 1. September 2000 af an, Liddmaat vun’n Vörstand vun de DB Nett. Dor is he dor tostännig vör ween, wie dat fudder gahn scholl un wo dat Geld för utgeven weern scholl.[8]

Dat warrt so ankeken, dat Sarrazin dor sunnerlich achter steken harr, dat de Volksaktie vun de Düütsche Bahn rutbröcht wurrn is. Düsse Aktien ohne Stimmrecht schollen rutbröcht weern, dormit de privaten Investors nich to veel mitsnacken konnen. He warrt ankeken as een, de dat dor düütlich up afsehn harr, dat de Düütsche Bahn mit ehr Geld över de Runnen kamen dö. Mit den vörmoligen Vörstandsvörsitter Hartmut Mehdorn hett he sik jummerlos in’e Klatten harrt. So hett he denn sien Afscheed vun de Dütsche Bahn ok mit allerhand Theater nahmen.

Senator för Finanzen in Berlin[ännern | Bornkood ännern]

In’n Januar 2002 is Sarrazin in Berlin Senater för Finanzen wurrn. He hett dor an fasthollen, sien Huushollt mit de Kameralistik so to föhren, as dat in kommunale Behördenalltied begäng ween is. [9] He hett dor bannig up keken, datt Geld nich bloß utgeven, man ok bisiet leggt wurrn is. As in dat Johr 2007 en Hoochkonjunktur bleiht hett, hett dat to’n eersten Mol in de Geschicht vun dat Land Berlin en Överschuss in’n Huushollt geven (€ 80 Mio.)[10][11]

Sarrazin is in’n Juni 2008 de Senater in Berlin ween, de an’n meisten neven sien Arbeit noch anners wat maakt hett. 46 Jobs hett he bito maakt, dormank hett he in’n Upsichtsraat vun de Berliner Verkehrsbedrieve, vun de Charité, vun de Investitionsbank Berlin un vun de Vivantes GmbH seten.[12] In de Tempodrom-Afäär is em vörsmeten wurrn, he harr sik nich an de Regeln holen, as he Geld vun dat Land rutgeven harr. De Staatsanwalt hett em in’n November 2004 anklaagt, man dat Landgericht Berlin hett de Klage gor nich eerst annahmen, weil dat meen, dor steek nix achter. In’n August 2009 is de Staatsanwaltschop Berlin woller, vunwegen „Untro“, gegen Sarrazin angahn. He schall en Golfclub in Berlin en Golfplatz to billig verpacht’ hebben. [13]

In’n Vörstand vun de Düütsche Bundsbank[ännern | Bornkood ännern]

An’n 30. April 2009 hett Sarrazin as Senater vun Berlin Bott geven un is to’n Vörstand vun de Düütsche Bundsbank wesselt.[14] Ulrich Nussbaum ut Bremen is denn sien Nafolger wurrn.[15] Vun den 1. Mai 2010 af an is he tostännig ween för de Feller Informatschoonstechnologie, Risiko-Controlling un Revischoon.[16] An'n 9. September hett he bekannt maakt, dat he an't Enn vun'n Septembermaand Bott geven woll. Em weer dat to veel wurrn, dat bi 70% vun de Meenungen, de in de Dagblöer to lesen stünnen, gegen em weern.

Striet[ännern | Bornkood ännern]

Wat Sarrazin över de Sozial- un Schoolpolitik in Berlin seggt hett, hett allerhand Lüde gegen em in Raasch bröcht un he hett dor den Röök vun weg, as wenn he Lüde geern gegen sik upbringen woll.[17] Wenn he vörslahn dö, ok up dat Feld vun dat Soziale möss Geld bisiet leggt weern, denn hett dat meist Protest geven.[18] 2008 hett he Vörsläge maakt, wie Lüde, de vun ALG II leven döen, mit minner, as veer Euro an’n Dag eten un drinken konnen.[19] 2009 hett he sik utlaten över den Umgang vun Arbeitslose mit Energie: „Toeerst mol sünd Lüde, de Hartz IV kriegt, fökener tohuse; denn hefft se dat geern warm un amenne reguleert allerhand vun jem de Temperatur mit dat Finster“.[20] Datt de Renten höger gahn schöllt, nömmt he „heel un deel dumm Tüüch“. Dat güng doch dor üm, dat de Bundregeerung de Börgerslüde verkloren möss, datt de Rente in dat Öller „up lange Sicht afsacken dö up dat aller Nödigste to’n leven“[21]

Sarrazin höllt dor veel vun, bloß noch Frömme mit’n goden Schoolafsluss na Düütschland inwannern to laten un he meent, de Staat scholl de Lüde, de nich sülms arbeiden döen, minner wat Geld in’e Hand geven.

[22][23] Bannig Theater hett dat geven, as Sarrazin sik in’n September 2009 in de Tiedschrift Lettre International över de Weertschops- un Migratschoonspolitik in Berlin ütert hett. Dor hett he seggt, grote Deele vun de Inwannerers ut Arabien un ut de Törkei wollen sik nich integreern in Düütschland un konnen dat ok nich. Unner annern hett he sik so höörn laten:

„Integratschoon bringt de towege, de sik integreert. Een, de nix deit, mutt ik ok nich ehren. Ik mutt numms ehren, de vun den Staat leven deit, de düssen Staat aflehnen deit, sik nich scheern deit dor üm, datt siene Kinner oorntlich na School gaht, un de jummerlos nee lüttje Koppdook-Deerns produzeert.“[24][25]

För dat, wat he dor seggt harr, hett Sarrazin Gegenwind kregen, unner annern vun den Vörsitter vun den Binnenutschuss vun’n Düütschen Bundsdag, Sebastian Edathy (SPD)[26], vun den Paritätischen Wohlfahrtsverband, vun de Gewerkschaft ver.di un annere.[27] Arno Widmann, de Baas vun dat Feuilleton vun de Frankfurter Rundschau, hett schreven:

„He reageert dor mit Hysterie up, dat de Tostänne in de Bundsrepubliek sik ännert. He is dördreiht.“[28]

Achter Sarrazin hefft sik unner annern Hans-Olaf Henkel,[29] Ralph Giordano,[30] Peter Sloterdijk,[31] un Necla Kelek[32] un ok de düütsche Ooltbundskanzler Helmut Schmidt.[33] stellt. Michael Klonovsky vun’n Focus hett in en Kommentar schreven, Sarrazin harr dat waagt, mit’n Finger up den unbannigen Schaden in de Hööftstadt Berlin to wiesen.[34] De NPD un de DVU hefft verklaart, se harrn dat ja ummer al seggt, wat Sarrazin nun up’n Disch bringen dö. [35][36]

In de Berliner SPD is anstreevt wurrn, Sarrazin ut de Partei ut to sluten. [37] De Andräge vun de SPD-Deele, de sik dor achter klemmt harrn, sünd in’n März 2010 dör en SPD-Kommischoon vun’n Disch schaven wurrn.[38] Axel Weber, Vörstandsvörsitter vun de Düütsche Bundsbank, hett dor för sorgt, datt in den Naam vun de Düütsche Bundsbank förmlich Afstand nahmen wurrn is vun Sarrazin siene Thesen. Weber weer dor al gegen ween, Sarrazin överhoop in den Vörstand to beropen.[39] Weber hett Sarrazin upfoddert, he scholl Bott geven. Man Sarrazin möök dor nich mit un so hett de Vörstand em de Sorg för dat Feld „Bargeld“ afnahmen[40] So bleev he bloß noch tostännig för de Feller Risiko-Controlling Informatschoonstechnologie.[41] An'n 2. September hett de Vörstand bekannt maakt, datt he bi'n Bundspräsidenten Wulff den Andrag stellen woll, he scholl Sarrazin rutsmieten. An'n 9. September hett Sarrazin denn sülms bekannt geven, he woll sien Amt in'n Vörstand vun de Düütsche Bank vun dat Enne vun'n September af an nich mehr utöven.

In Juni 2010 hett Sarrazin bi en Drepen vun de Arbeitskreise School-Weertschop vun de Unnernehmer-Verbänne Süüdhessen ütert, de Döörsnitt vun de gesamtdüütsche Intelligenz sack af vunwegen dat Towannern vun Migranten, de nich na School gahn sünd. Ok dor sünd glieks allerhand Lüde gegen up stahn.[42] De Bundskanzlersche Angela Merkel[43] un de SPD-Parteivörsitter Sigmar Gabriel hefft em utschullen un Gabriel hett em vörslahn, he müch doch ut de SPD utträen.[44]

„Düütschland schafft sik af“[ännern | Bornkood ännern]

An’e Enne vun’n August 2010 is dat Book „Düütschland schafft sik af“ (original up Düütsch: „Deutschland schafft sich ab“) rutkamen. Sarrazin schrifft in düt Book, wat dor för Düütschland siene Tokumst bi rutkamen schall, wenn weniger Kinner up’e Welt kaamt, mehr Towannerers inwannern könnt un de Unnerschicht jummers grötter warrt. Dat Book is unbannig veel besnackt wurrn un hett foorts dree Uplagen sehn. Politikers ut all Parteien un Medien vun all Klören hefft sik dort to utlaten. Foorts is ok wedder up’n Disch bröcht wurrn, datt Sarrazin ut de SPD un ut den Vörstand vun de Bundsbank rutsmeten weern scholl. Bi allerhand Umfragen is avers rutkamen, dat en Mehrheit vun de Düütschen dat goot finnen deit, datt he sien Muul nich holen hett.

Wat he rutbröcht hett[ännern | Bornkood ännern]

  • Ökonomie und Logik der historischen Erklärung. Zur Wissenschaftslogik der New Economic History. Bonn 1974.
  • Krise und Planung in marxistischer Sicht: Das Beispiel Habermas. In: Hamburger Jahrbuch für Wirtschafts- und Gesellschaftspolitik 19, 1974, S. 293–318 (zusammen mit Manfred Tietzel).
  • Investitionslenkung: „Spielwiese“ oder „vorausschauende Industriepolitik?“ Bonn-Bad Godesberg 1976 (als Herausgeber).
  • Beiträge zur Sozialpolitik. Bonn 1978 (als Herausgeber).
  • Der Euro: Chance oder Abenteuer? Bonn 1997.
  • Reform der Finanzverfassung. Bonn 1998.
  • Der Euro. Bonn 1998.
  • Ansatzpunkte für eine europäische Arbeitsmarkt- und Beschäftigungspolitik. Bonn 1999.
  • Gestaltung der Zukunftsfähigkeit Berlins in Zeiten knapper Kassen. Berlin 2004.
  • Regionale bzw. kommunale Entwicklungen im Bereich der Wohnungs- und Städtebaupolitik. Berlin 2007.
  • Neue Wege zu einer angemessenen Finanzverteilung im Bundesstaat. Münster 2008.
  • Deutschland schafft sich ab: Wie wir unser Land aufs Spiel setzen, Deutsche Verlags-Anstalt, 2010, ISBN 3-421-04430-9

Över Sarrazin[ännern | Bornkood ännern]

Weblenken[ännern | Bornkood ännern]

Category:Thilo Sarrazin. Mehr Biller, Videos oder Audiodateien to’t Thema gifft dat bi Wikimedia Commons.
Op Wikiquote gifft dat Zitaten to, över oder vun „Thilo Sarrazin“ (hoochdüütsch).

Belege[ännern | Bornkood ännern]

  1. Personen A-Z. bei www.spd-berlin.de, abgerufen am 28. August 2010.
  2. sueddeutsche.de: Sarrazin geht zur Bundesbank – Rechnen und abrechnen vun’n 17. Februar 2009
  3. Thilo Sarrazin: Eitelkeit und Fegefeuer, in: Der Tagesspiegel, 28. August 2010.
  4. Thilo Sarrazin meent, he harr Vöröllern ut Frankriek, Italien un Grootbritannien. („Thomas Seibert: Auch die Türkei diskutiert über Sarrazin“, in: Der Tagesspiegel, 30. August 2010.)
  5. Sarrazins Ritt auf dem wilden Gaul. In: Der Tagesspiegel, 16. Februar 2009.
  6. Alexander Neubacher: Der Weichen-Steller. In: Der Spiegel Nr. 39, 2007, S. 74–76.
  7. Sarrazin wirft Mehdorn vor, die Unwahrheit zu sagen, in: Berliner Morgenpost, 19. Februar 2009.
  8. Meldung Neuer Vorstand für DB Netz. In: Eisenbahn-Revue International, Heft 8-9/2000, S. 340.
  9. Dietrich Budäus: Sarrazins Rechnung geht nicht auf. Zur Notwendigkeit der Kosten-Leistungs-Rechnung (KLR) und der Doppik in öffentlichen Verwaltungen. In: Der Neue Kämmerer Nr. 3, Juli 2008, S. 3 (PDF, 868 KB).
  10. Senatsverwaltung für Finanzen: Daten und Fakten zur Haushaltslage. Up: berlin.de; afropen an’n 13. Oktober 2009: "|Diese Politik hat im Zusammenwirken mit einer günstigen Einnahmenentwicklung dazu geführt, dass Berlin im Jahre 2007 erstmals in der Finanzgeschichte des Landes keine neuen Schulden aufnehmen musste.
  11. Haushaltsüberschuss. Berlin schafft erstes Etatplus seit dem Krieg. In: Spiegel Online, 9. Januar 2008: "Während die Einnahmen im Vergleich zum Vorjahr insgesamt um elf Prozent anstiegen, lag der Zuwachs der bereinigten Ausgaben bei lediglich bei 0,1 Prozent. Zudem seien die Personalausgaben gegenüber 2006 um 111 Millionen auf 6,2 Milliarden Euro reduziert worden. Dies entspreche einer Absenkung um 1,8 Prozent.
  12. Christine Richter: Ein Sarrazin mit 46 Nebenjobs. In: Berliner Zeitung, 9. Juni 2008.
  13. Sabine Rennefanz: Ein Geruch von Vetternwirtschaft. In: Berliner Zeitung, 29. August 2009.
  14. Berliner Finanzsenator. Sarrazin wird Bundesbank-Vorstand. In: Spiegel Online, 17. Februar 2009.
  15. Senatskanzlei. Wowereit verabschiedet Sarrazin und ernennt Nußbaum zum Finanzsenator. In: Pressemitteilungen des Landes Berlin, 30. April 2009, afropen an’n 13. Oktober 2009
  16. Vorstand der Deutschen Bundesbank Düütsche Bundsbank, afropen an’n 11. Juni 2010.
  17. Peter von Becker: Integration: Prüfen statt prügeln. In: Zeit Online, 5. Oktober 2009; tolest afropen an’n 13. Oktober 2009.
  18. Heiner Geissler: Darf Sarrazin Arbeitslose folgenlos verhöhnen?. In: Der Tagesspiegel, 13. Februar 2008. Vgl. Werner van Bebber, André Görke, Stefan Jacobs: Wirbel um Sarrazins Ideen zu Heizkosten. In: Der Tagesspiegel, 30. Juli 2008.
  19. Henning Onken: Hartz-IV-Menü. Sarrazin: So sollten Arbeitslose einkaufen. In: Der Tagesspiegel, 11. Februar 2008
  20. Sozialpolitik. Thilo Sarrazin drischt auf Hartz-IV-Empfänger ein. In: Der Westen, 13. Mai 2009.
  21. „Kinder kann kriegen, wer damit fertig wird“, Artikel in’n Stern vun’n 13. Mai 2009.
  22. [1] Kritik an der Hauptstadt: Sarrazin lästert über die Berliner, Spiegel Online, 30. September 2009, afropen an’n 22. Oktober 2009
  23. Stefan Schulz: Berlin-Schelte. Sarrazin schockiert mit Angriffen auf Migranten, in: Berliner Morgenpost, 30. September 2009.
  24. Integration. Sarrazin muss sich entschuldigen. In: Zeit Online, 1. Oktober 2009.
  25. Umstrittenes Interview. Bundesbank-Präsident legt Sarrazin Rücktritt nahe. In: Zeit Online, 3. Oktober 2009.
  26. „Rassismus pur“. SPD-Politiker fordert Rücktritt von Thilo Sarrazin. In: Welt Online, 6. Oktober 2009. Vgl. SPD-Ortsverband beantragt Sarrazins Parteiausschluss. In: RBB-Online, 2. Oktober 2009.
  27. Gerd Wiegel: Eliten-Rassismus à la Sarrazin, in: Blätter für deutsche und internationale Politik, 12/2009, S. 27-29.
  28. FR vom 8. Oktober 2009, Siete 13. Överschrift „Der Brandstifter“.
  29. Wir wissen, dass türkische Kinder in Schulen größte Probleme haben“. Ex-BDI-Präsident Olaf Henkel nimmt Bundesbankvorstand Sarrazin in Schutz. Interview von Jochen Spengler mit Hans-Olaf Henkel. In: Deutschlandfunk, 5. Oktober 2009.
  30. Ralph Giordano: „Sarrazin hat vollkommen recht“. In: Focus Online, 6. Oktober 2009.
  31. Eingeweide des Zeitgeistes, Der Spiegel, 26. Oktober2009, S. 172; Online=Online, Peter Sloterdijk
  32. Necla Kelek: Warum türkische Gemüsehändler mit Sarrazin kein Problem haben. In: Sächsische Zeitung, 22. Oktober 2009.
  33. Verstehen Sie das, Herr Schmidt?, in: Zeit Online vun’n 11. November 2009: „Die Passagen, die sich auf Ausländer bezogen und die von der deutschen Presse herausgezupft worden sind, sehen im Gesamtzusammenhang dieses Interviews ziemlich anders aus. Wenn er sich ein bisschen tischfeiner ausgedrückt hätte, hätte ich ihm in weiten Teilen seines Interviews zustimmen können.“
  34. Michael Klonovsky: Das Gott-Wort der Guten, in: Focus Nr. 31 vun’n 2. August 2010.
  35. NPD buhlt im Sarrazin, in: Focus vun’n 30. August 2010.
  36. „Sarrazins Thesen sind absurde Ergüsse“, in: Der Tagesspiegel vun’n 24. August 2010.
  37. Sarrazin hält nichts von SPD-Gutachten: "Unsauber, schleimig, widerlich". heute (dpa), 1. März 2010.
  38. Sarrazin darf in der SPD bleiben, in: Spiegel Online vom 15. März 2010.
  39. Stefan Ruhkamp/Carsten Knop: Sarrazin-Affäre. Die letzte Warnung kam wohl zu spät. In: FAZ, 18. Oktober 2009.
  40. Vorstandsbeschluss. Bundesbank straft Sarrazin ab. In: FAZ.net, 13. Oktober 2009. Justso Migranten-Schelte. Bundesbank entmachtet Thilo Sarrazin. In: Spiegel Online, 13. Oktober 2009.
  41. Skandal um Bundesbank-Vorstandsmitglied. Kritik an Entmachtung Sarrazins. In: Tagesschau.de, 14. Oktober 2009.
  42. Einwanderer-Schelte: Sarrazin erklärt die Verdummung der Deutschen, Spiegel Online vun’n 10. Juni 2010.
  43. Merkel wirft Sarrazin Verdummung vor, Süddeutsche Zeitung vun’n 12. Juni 2010.
  44. Gabriel legt Sarrazin SPD-Austritt nahe