Theodor Ferdinand Hurtzig

Vun Wikipedia
Zur Navigation springen Zur Suche springen

Theodor Ferdinand Hurtzig (* 9. Februar 1833 in Öberndörp; † 6. Dezember 1911 in Hannover) weer en düütschen Verwaltungsbeamten un Politiker.

Hurtzig is 1833 as Söhn von Sophie Luise, borene Kropp (13. Januar 1795–7. Februar 1871), un den Pastoor an de Georg-Kark, Johann Dittmar Wilhelm Hurtzig (8. September 1790–4. April 1878), in Öberndörp boren. He hett an de Universitäten Göttingen un Heidelberg studeert. 1853 is he Maat von dat Corps Bremensia Göttingen worrn.[1] In dat sülve Johr noch is he ok Maat von dat Corps Vandalia Heidelberg worrn.[2] Na dat Studium güng he in’n hannöverschen Staatsdeenst un weer in de Johren 1859 bet 1861 Auditer bi dat Amt Borgdörp un 1862 Amtsassesser bi dat Amt Leh. In de Johren 1863/1864/1865 is he Amtsassesser un as Hülpsarbeider bi de Landdrostie Stood nawiest, weer 1867 as Amtsassesser Hülpsarbeider bi dat Böverstüürkollegium Hannover un denn ok Regerungsassesser bi de Landdrostie Lümborg.

1875 is he Stadtsyndikus in Hameln worrn. To’n 1. Juni 1876 is he as Börgermeester von Hameln wählt worrn. Hurtzig is dat bet to’n 31. Dezember 1879 bleven. Mit’n Anfang 1880 güng he as Direkter von de Landschopliche Brandkass Hannover un de Hannöversche Boden-Kredit-Bank na Hannover.

Von 1870 bet 1874 weer Hurtzig Afornten von’n Wahlkreis Hannover 27 (Dannenbarg) in dat Prüüßsche Aforntenhuus. He hett dor to de Frakschoon von de Natschonalliberale Partei höört. An’n 21. Mai 1874 hett he sien Mandaat dör Ungülligkeitserklärung verloren. Von 1893 bet 1903 weer Hurtzig in’n Zentralvörstand von de Natschonalliberale Partei.

Hurtzig harr ok den Rang von en Gehemen Regerungsraad.

He hett an’n 6. August 1867 in Stood Gertrud Auguste Julie Eleonore Oberg (18. Februar 1847–15. September 1909) freet. De beiden harrn de Kinner Sophie Wilhelmine Eleonore Gertrud (22. November 1868–29. Oktober 1945), Johann Wilhelm Dittmar August (28. Mai 1871–27. Februar 1957), Adele Louise Charlotte Helene Imme Käthe (20. Juli 1875–18. August 1931), Hedwig Anna Olga Auguste Theodore Bertha (10. Juni 1879–üm 1959), Sophie Charlotte Bea Anna Margarethe Theodore (13. August 1883–1. April 1976) un Carl Arnold Hermann Gerhard Dittmar Eibe (21. Mai 1887–17. Mai 1915).[3]

Literatur[ännern | Bornkood ännern]

  • Bernhard Mann: Biographisches Handbuch für das Preußische Abgeordnetenhaus 1867–1918. 1988, S. 194

Footnoten[ännern | Bornkood ännern]

  1. Kösener Korpslisten 1910, 63, 629
  2. Kösener Korpslisten 1910, 122, 243
  3. Infos to Hurttig bi online-ofb.de