Telesphore Placidus Toppo
Telesphore Placidus Kardinal Toppo (* 15. Oktober 1939 in Chainpur; † 4. Oktober 2023 in Ranchi[1]) weer en indisch Geistlicher un röömsch-kathoolsch Arzbischop vun Ranchi.
Leven[ännern | Bornkood ännern]
Telesphore Placidus Toppo wurr 1969 in Himmelried to’n Preester weeht. Wiedere Studien hemm hüm an de Päpstliche Universität Urbaniana in Rom führt. Nah eenig Johren in de Seelsörg un in’n Hoochschoolldeenst wurr he an’n 8. Juni 1978 to’n Bischop vun Dumka beropen. An’n 7. Oktober vun dat sülvige Johr wurr he dör Arzbischop Pius Kerketta to’n Bischop weeht. 1984 hett Paapst Johannes Paul II. to‘n Koadjutorarzbischop nöömt, een Johr later denn to’n Arzbischop vun Ranchi. 2003 wurr Toppo as Kardinalpreester mit de Titelkark Sacro Cuore di Gesù agonizzante a Vitinia in da Kardinalskollegium upnommen.
He weer Präsident vun de Indische Bischopskonferenz.
Kardinal Toppo hett an dat Konklave 2005 deelnommen, bi dat Benedikt XVI. to’n Paapst wählt wurr un ok 2013 weer he mit dorbi, as Paapst Franziskus wählt wurr.
Paapst Franziskus hett an’n 24. Juni 2018 sien Rückträe wegen Öller annommen. [2]
Fievt Marianisches Dogma[ännern | Bornkood ännern]
De Kardinal hett Paapst Benedikt XVI. 2008 dorum beeden, en fievt Marianisches Dogma över Maria as Miterlöserin intoführen. So en Verkloren würr dat Nicht-Katholiken lichter maaken, de Modergottes to verstahn. Stöhn kreeg he dör Kardinal Luis Aponte Martínez, emeriteert Arzbischop vun San Juan, Puerto Rico; Kardinal Varkey Vithayathil, Arzbischop vun Ernakulam-Angamaly, Indien; Kardinal Riccardo Vidal, Arzbischop vun Cebu, Philippinen, un Kardinal Ernesto Corripio y Ahumada, emeriteert Arzbischop vun Mexiko-Stadt. So en Dogma würr in’n interreligiösen Dialog mit den Muslimen helpen, denen Maria dör den Koran vertroot is. Se gellt dor as „größte aller Frauen, ohne Sünde und jungfräulich“.[3]
Liddmaatschapen[ännern | Bornkood ännern]
Telesphore Placidus Kardinal Toppo weer Liddmaat vun de folgend Institutschonen vun de röömsch Kurie:
- Kongregatschoon för de Evangeliseeren vun de Völker (af 2003)[4]
- Päpstlicher Raat för den Interreligiösen Dialog (af 2003)[4]
- Päpstlicher Raat för de Kultur (siet 2009)[5]
- Kardinalskommission vun dat Istituto per le Opere di Religione (af 2013)[6]
Weblinks[ännern | Bornkood ännern]
- Indrag up catholic-hierarchy.org
- Biografische Notiz (engelsch)
- Indrag in In: Salvador Miranda: The Cardinals of the Holy Roman Church. (Website vun de Florida International University, engelsch)
Enkeld Nahwiesen[ännern | Bornkood ännern]
- ↑ Cardinal Telesphore Toppo Passes Away. In: ccbi.in. 4. Oktober 2023, afropen an’n 4. Oktober 2023 (engelsch).
- ↑ Rinuncia dell’Arcivescovo di Ranchi (India) e nomina del successore. In: Tägliches Bulletin. Presseamt des Heiligen Stuhls, 24. Juni 2018, afropen an’n 24. Juni 2018 (italieensch).
- ↑ Dogma von Maria Miterlöserin hilfreich für interreligiösen Dialog. Kath.net, 7. Mai 2008, afropen an’n 16. August 2019.
- ↑ a b Nomina di Membri dei Dicasteri della Curia Romana. In: Tägliches Bulletin. Presseamt des Heiligen Stuhls, 24. November 2003, afropen an’n 17. August 2019 (italieensch).
- ↑ Nomina di Membri del Pontificio Consiglio della Cultura. In: Tägliches Bulletin. Presseamt des Heiligen Stuhls, 17. Januar 2009, afropen an’n 17. August 2019 (italieensch).
- ↑ Kardinalskommission für IOR erneuert. Radio Vatikan, 16. Februar 2013, afropen an’n 17. August 2019.