Tüters
| Tüters | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Tringa | ||||||||||
| Linnaeus, 1758 |
De Tüters (Tringa) sünd en Geslecht mank de Snippenvagels. Sunnerlich in't Slichtkleed seht se meist all liek ut. De meisten Tüters hefft en Stimm, wo se mit upfallt, wenn se roopt. Dor sünd se ok an to bestimmen.
Tüters freet Insekten, lüttje Kreefte, Wörmer un Weekdeerter. De wecken Aarden versmaht ok lüttje Fische un Pielepoggen nich. Ehr Freten finnt se meist in flack Water. Gröönbeensnippe un Swatte Tüter söökt Freten ok in Water, wat en beten deeper is. Dat könnt se maken, wiel sunnerlich bi den Swatten Tüter de Nesenlöcker bannig hooch an den langen, dünnen Snavel ansett sünd.
Mank de Tüters gift dat Aarden, de bröödt up'e Eer, man ok de wecken, de boot ehre Nester in Böme. Normolerwiese leggt se veer Eier.
Aarden[ännern | Bornkood ännern]
Düsse 11 Aarden höört to de Tüters mit to:
- Swatten Tüter (T. erythropus)
- Tüter (T. totanus)
- Pooltüter (T. stagnatilis)
- Gröönbeensnippe (T. nebularia)
- Gröönbeentüter (T. guttifer)
- Grote Geelpoot (T. melanoleuca)
- Lüttje Geelpoot (T. flavipes)
- Eensomen Tüter (T. solitaria)
- Boomtüter (T. ochropus)
- Brooktüter (T. glareola)
- Mottenpedder (T. semipalmata)
Kiek ok bi[ännern | Bornkood ännern]
- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt
Literatur[ännern | Bornkood ännern]
- Richard Sale: A Complete Guide to Arctic Wildlife, Verlag Christopher Helm, London 2006, ISBN 0-7136-7039-8
