Swatten Roofkäver
| Swatten Roofkäver | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
.jpg) | ||||||||||||||||||||
| Systematik | ||||||||||||||||||||
| ||||||||||||||||||||
| Wetenschoplich Naam | ||||||||||||||||||||
| Ocypus nitens | ||||||||||||||||||||
| Schrank, 1781 |
.jpg)
Bi den Swatten Roofkäver (Ocypus (Matidus) nitens, syn. Ocypus nero, Ocypus similis) hannelt sik dat um en Käver ut de grote Familie vun de Kortflunkenkävers. Vunwegen siene korten Deekflunken lett he ehrder na en Ohrenknieper, man is doch en Käver.
Kennteken
[ännern | Bornkood ännern]De swatten Kävers sünd 16-20 Millimeters lang un höört dor to de gröttern Kortflunkenkävers mit. To'n Bieten un Griepen hefft se dannige Mandibeln.
Wo se vörkaamt
[ännern | Bornkood ännern]Düsse Aart kümmt in de westliche Paläarktis vör un is wiethen in Europa antodrepen. Na Osten to is se över den Kaukasus un Lüttasien hen bit na'n Middelosten (Iran) to finnen. In Noordamerika is de Swatte Roofkäver insleept wurrn. Vun 1944 af an leevt he dor midderwielen an de nördliche Oostküsten vun Maine bit hen na den Bundsstaat New York. Ok in Kanada (Ontario) is he midderwielen tohuse.
Wie se leven doot
[ännern | Bornkood ännern]Düsse Kävers hoolt sik geern up, wo dat fuchtig is, as in'n Woold oder Sump. Se hoolt sik dor unner lose Boombarken, unner Loof un Moss up. De Käver is as en Kulturfolger antosehn un leevt faken dicht bi de Minschen ehre Hüser. He kummt ok goot torecht, wenn dat Habitat (Umto), wo he in leevt, dör'nanner is.
Kiek ok bi
[ännern | Bornkood ännern]- Swatten Stinkkäver (Ocypus olens)
- Dunkeln Roofkäver (Ocypus tenebricosus)
