Swaangoos

Vun Wikipedia
Wesseln na: Navigatschoon, Söök
Swaangoos
Swaanengoos (Anser cygnoides)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Göse (Anserinae)
Tribus: Echte Göse (Anserini)
Geslecht: Feldgöse (Anser)
Oort: Swaangoos
Wetenschoplich Naam
Anser cygnoides
(Linnaeus, 1758)

De Swaangoos (Anser cygnoides) is en Goos ut de Familie vun de Aantenvagels. Se warrt to de Feldgöse torekent. To'n eersten Mol is se 1758 beschreven wurrn vun Linnaeus.

Kenteken[ännern | Bornkood ännern]

Düsse Goos warrt bit to 90 cm groot. De Feddern sünd to'n gröttsten Deel graubruun mit helle Striepen. De Unnersiet vun den Kopp un de Vörsiet vun'n Hals sünd wat heller. Den Kopp siene Uppersiet un de Achtersiet vun'n Hals sünd dunkerbruun-grau.Unner'n Steert sünd de Feddern witt. De Vagel hett en sunnerlich groten Snavel un orange Poten.

Wat se freten doot[ännern | Bornkood ännern]

Swaangöse freet sunnerlich Gras un annere Planten.

Swaangöse un Minschen[ännern | Bornkood ännern]

De Minschen hefft de Swaangoos faken krüüzt mit de Graugoos. De Krüzungen heet denn „tamme Goos“ oder „Buerngoos“ un weert veel holen.

Wo se vörkaamt[ännern | Bornkood ännern]

Wo de Swaangoos hüdigendags vör kummt.

Fröher hett de Swaangoos in grote Deele vun Asien leevt. Vunwegen, datt de Umwelt sik dor ännert, sünd se dor jummers roorer wurrn. Hüdigendags leevt se noch in Thailand, China, Japan, Taiwan, Korea, de Mongolei un Russland in Siedland in Sump un Brook. In Düütschland gifft dat en Kolonie vun Swaangöse in de Rhien-Neckar-Region, de dor ok bröden deit. Dor hannelt sik dat um Afkamen vun utbüxte Göse bi. Up de Rode List vun de IUCN staht de Göse unner den Status „kann in Gefohr kamen“.

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Swaangoos. Mehr Biller, Videos oder Audiodateien to’t Thema gifft dat bi Wikimedia Commons.