Suzanne Lenglen

Suzanne Rachel Flore Lenglen (* 24. Mai 1899 in Compiègne; † 4. Juli 1938 in Paris) weer en franzöösch Tennisspelerin. Lenglen weer de domineeren Spelerin vun de fröh un middleren 1920er Johren. Hör anmodig Speelwies un hör butergewöhnlich Uptreden hebbt hör to een vun de eersten Weltstars in' Sport makt. Tüschen 1919 un 1926 wunn se 25 Grand-Slam-Titel.

Suzanne Lenglen – en Bilanz

Lenglen wunn all tosommen 25 Titel bi de lateren Grand-Slam-Turniere. Allerdings wurrn de Franzöösch Meesterschapen eerst af 1925 för internatschonale Deelnehmer tolaaten. Bit dorhen harr Lenglen dor aber all veermal wunnen.

Lenglen weer dat 1920 as eerst Spelerin gelungen, bi de Internatschonalen Engelschen Tennismeesterschapen in Wimbledon in all dree Konkurrenzen (Eenzel, Düppel un Mixed) den Titel to halen. Dissen Spood kunn se sogor noch tweemal, 1922 un 1925, schaffen.

To hör eerst Eenzeltitel 1919 keemen noch fiev wiedere to (1919-1923 as ok 1925). Dormit keem se alleen in Wimbledon up 15 Titel.

Lenglen weer ok bi de Olympisch Sömmerspelen 1920 in Antwerpen spoodriek, wo se för hör Land twee Goldmedaillen (Eenzel un Mixed) un en Bronzemedaille (Düppel) erringen kunn.

All tosommen hett Lenglen 81 Turniere in't Eenzel, dorvan nich weniger as söben ahn Speelverlust, wunnen. Dorto keemen noch 73 Düppeltitel un acht Mixed-Titel.

De vun Fans un Presse blots „die Göttliche“ nömmt Lenglen, de todem teihnmal Hartplatz-Weltmeesterin weer (veermal in't Eenzel- as ok je dreemal in't Düppel un in't Mixed), wurr blots 39 Johr old. Se is an Leukämie storven.

Legendär weer ok hör för dormalig Verhältnisse skandalöös Uptreden. Den Platz hett Lenglen fakener mit apen Pelzmantel betreden. „De Göttliche“ hett hör Spelen todem mit waagt Dekolleté, unbeckt Arms un witt Strümp ahn Ünnerrock betreden. Liekers wurr Lenglen nie vun den Platz verwiest.

Ofschons Suzanne Lenglen nie en offiziell Turnier in de eerst 1928 fardigstellt Stade Roland Garros speelt hett, drocht nich blots de Pokal för de Siegerin in' Daamen-Eenzel vun de French Open hüüt hör Naam. Ok dat tweetgröttste Stadion vun de Anlaag Roland-Garros is nah de groot Französin nömmt. Se gellt noch hüüd as en vun de best Spelerinnen vun all Tieden.

Fröhe Johren

Suzanne Lenglen wurr as Dochter vun Charles Lenglen un Anaïs Suzanne Lenglen in Compiegne boren. In hör Kinner- un Jöögdtiet hett se an chronisch Asthma un en Völtall vun gesundheitlich Probleme leeden. Vader Charles – en recht wohlhabender Transportünnernehmer – harr beslooten, de anslahn Gesundheit vun sien Dochter dör intensiven Sport to stärken. Gelegenheit geev dat dorto up den Tennisplatz vun de Familie up hör Anwesen in Marest-sur-Matz. 1910 hett Suzanne eerstmals Tennis speelt. Vun de tonehmen Begeisterung un vun dat Talent vun sien Dochter beindruckt, hett Charles Lenglen de Teelen höhger sett un fung an, dat Training wat konsequenter antogahn, wobi een vun de praktizeerten Übungen dorin bestunn, en up dat Speelfeld liggend Hannsch to drapen.

Blots veer Johr nah de eerst Versöken stunn Suzanne in dat Finale vun de Franzööösch Meesterschapen 1914. Dat Turnier – Vörlöper vun de lateren French Open – weer to dissen Tietpunkt un bit 1925 blots Liddmaaten vun franzöösch Tennisclubs vörbehollen. De veerteihnjohrig Lenglen hett dat Finale gegen de Titelverteidigerin Marguerite Broquedis in dree Sätzen mit 7:5, 4:6 un 3:6 verloren. Aber noch in dat sülvig Johr wunn se de Internatschonalen Sandplatz-Meesterschapen in Saint-Claude (wiels dat Turnier wurr se 15 Johr old). De Utbröök vun den Eersten Weltkrkieg hett denn aber de anfangen groot Karriere vun de jung Französin stoppt – vöreerst.

Nich to breken Dominanz

In' Gegensatz to de Franzöösch Meesterschapen, dee eerst af 1920 weer stattfinnen dee, wurr de Apen Engelsch Meesterschapen in Wimbledon all 1919 weer utdragen. Lenglen, de eerstmals up Gras speel, keem gliek in't Finale un stunn dor de söbenmalig Winnerin Dorothea Douglass Chambers tegenöver. Beid hebbt sück en hoochspannend DFuell leefert, dat as en vun de dramatischsten Endspelen in de Tennishistorie ingung. Lenglen wunn knapp in dree Satzen 10:8, 4:6 un 9:7 un seker sück mit 21 Johren den hör eersten Grand-Slam–Titel. Aber nich blots de besünner Qualität vun dat Speel vun Lenglen wurr to en Daggespräch. Ok hör Kleedasch erreeg groot Upsehn; in' Gegensatz to hör traditschonell vullstännig verhüllt Gegnerinnen leet se de Ünnerarms un Waden meest unbedeckt – ein Schandaal för de dormalig Tiet. Dat britisch Publikum weer aber nich blots doröver schockeert, man muss ok noch to Kenntnis nemmen, dat Lenglen sück bi de Siedenwessel mit lütt Schlucken Brandy upfrischen dee.

Bi de Olympisch Spelen in dat Johr 1920 in Antwerpen domineer Lenglen de Eenzelkonkurrenz vun de Fruen. Up den Weg to de Goldmedaille hett se blots dree Spelen verloren – allesamt in't Endspiel gegen de Britin Dorothy Holman. Todem seker sesück mit hör Landsmann Max Decugis en wiedere Goldmedaille in dat mischt Düppel un in dat Daamendüppelt wunn se noch de Bronzemedaille.

Van 1919 bit 1925 wunn Suzanne Lenglen all Wimbledon–Titel in't Eenzel. Blots 1924 muss se wegen asthmatisch Probleme nah de veert Runn hör Verzicht verkloren. Van 1920 bit 1926 triumpheer se ok bi de Franzöösch Meesterschaften, de 1925 ok för utlännsch Speler freegeven wurrn.

Scheitert Debüt in Amerika

Lenglens eenzig wirklich Nedderlaag in en Match in disse Tiet passeer in' Rahmen vun en nicht plaant Upträe bi de US Open 1921. Lenglen harr sück entslooten, hör Popularität dorför to bruuken, för de Wedderupbau vun kriegszerstört franzöösch Rebeeden Geld to sammeln. Se hett plaant, dorför in de USA eenig Schaukämpen tegen de ut Norwegen stammen US-Open-Siegerin Molla Bjurstedt-Mallory to spelen. Bi de lang Överfohrt up See hett Lenglen ünner swoor Seekrankheit un asthmatisch bedingten Hoosten leeden. As se in New York City indrapen dee, vernehm se överrascht, dat de Organisatoren vun de US Open – ahn je hör Inverständnis inhalt to hemm – de Deelnahm vun Lenglen verkünd harrn. Obschons de Französin all to dissen Tietpunkt an immer schlimmer wurrn Hoosten lieden dee, hett se sück den Druck vun de begeistert un verwachtenvull amerikaansch Apenlichkeit beugt. To hör Överraschung weer ok kien Settlist vörhannen, so dat Lenglen all in dat Uptaktspeel up de Titelverteidigerin Bjurstedt-Mallory droop. Lenglen verlor den eersten Satz mit 2:6 un wurr to Beginn vun den tweeten Dörgang vun so swoor Hoostenkramm schüttelt, dat se upgeven muss. Mit Schimp un Schann muss se dat Match beennen. Se wurr verspott vun dat Publikum und ok de amerikaansch Presse weer vull Kritik. En Dokter hett nahderhand faststellt, dat Lenglen ünner Keuchhoosten lieden dee. Se hett denn all Schaukämpe afseggt und kehr nah Europa torüch.

Nahdem se weer gesund weer, wull se dat weer good maken. In dat Wimbledon–Endspeel vun dat folgen Johr droop Lenglen weer up de Bjurstedt-Mallory un hett hör in 26 Minüüt mit 6:2, 6:0 vun den Platz feegt. Eenig Maand later sünd de beid weer bi en Turnier in Nizza upnanner drapen. Bjurstedt-Mallory kunn nich een Speel winnen.

Dat letzte Johr as Amateurspelerin

In hör letzt Johr as Spelerin bi de Amateure gelung de Französin, de all en levend Legende weer, hör gröttste Upträe up en Tennisplatz: In' Februar 1926 droop se in den Carlton Club in Cannes to'n eersten un eenzigen Mal up de Amerikanerin Helen Wills Moody. Wills, de mit 20 Johren söben Johr jünger weer as Lenglen, weer dor all tweefach US Open–Winnerin un sull de laten 1920er un frö 1930er Johren ebenso domineeren, as dat Lenglen siet 1919 dee.

Dat Interesse vun de Apenlichkeit an dit Tosommendrapen vun Vergangenheit un Tokunft vun dat Daamentennis weer nich to beschrieven un dreev de Intrittspries in vörher nicht kennt Hööchten. De Begeisterung weer so groot, dat sülvst de Daken un Fensters vun de den Tennisplatz umgeven Bauwarken vull mit Tokiekers weern. De Vergangenheit triumpheer nochmal över de Tokunft: Lenglen wunn 6:3 un 8:6 un stunn in mehreren Phasen vun dat Speel för en Kreisloop-Kollaps nahe.

Eenig Weeken later seeg dat so ut, as wenn Lenglen Kurs up hör söbenten Titel in Wimbledon nehmen dee. Aber de britisch Königin Queen Mary hett in de Royal Box vergevens up den Upträe vun de franzöösch Tenniskönig tööft. Lenglen, de glöövt harr, dat hör Speel up en lateren Tietpunkt schaven wurrn weer, föhl sück angesichts vun den unbeabsichtigten Vörfall, de vun britisch Monarkisten un vun de Turnierleitung as Beleidigung vun hör Königin ansehn wurr, den Tosommenbröök nah. Lenglen truck hör Deelnahm an dat Turnier torüch. Se keem nich mehr torüch up den „hilligen Rasen“ an de Church Road.

Wiedere sportlich Karriere as Profi-Spelerin un letzte Johren

Lenglen weer de eerste groot weiblich Tennisstar, de to de Profis wesseln dee. För en Reeg vun Schaukämpen in de USA gegen Mary Kendall Browne, de Winnerin vun de US Open van 1912 bit 1914, kreeg de Französin de för dormalige Verhältnisse sensationelle Summe vun 75.000 US-Dollar. Hör amerikaansch Gegnerin weer 35 un de dormalige Finalistin vun de French Open, wo se gegen Lenglen 1:6 un 0:6 verloren harr.

To'n eersten Mal in de Historie vun den Tennissport beherrsch en Daamen-Match de Slagzeilen. Bi hör eerst Tosommendrapen in New York speel de Französin so blendend up, dat de Reporter vun de New York Times vun en vun de best Spelen snacken dee, dat je up en amerikaanschen Platz stattfunnen harr. As de Reeg vun de Schaukämpen in' Februar 1927 to Enn' gung, harr Lenglen all 38 Spelen gegen Browne wunnen. De Französin weer aber erschöpft un kreeg vun de Dokters den Raad, längere Tiet Afstand to'n Tennissport to hollen, um sück weer to verhalen.

Lenglen hett denn beslooten, sück ganz vun den Wettkampsport torüchtotrecken un hett denn mit Hülp un de finanzielle Ünnerstütten vun hör Levensgefährten Jean Tillier en Tennisschool in Paris grünnd - in unmiddelbor Nähe to de Platzen vun Roland Garros liggend, den Utdragenoorts vun de French Open. All bald – in dat Johr 1936 – wannel sück de Akademie to dat Trainingszentrum vun de Franzöösch Tennis-Föderatschoon. In disse Tiet hett Lenglen ok eenig Böker över hör Sport verfaat.

In' Juni 1938 geev de franzöösch Presse bekannt, dat Lenglen an Leukämie erkrankt weer. Blots dree Week later wurr se blind. Suzanne Lenglen is an 4. Juli 1938 storven un wurr up den Karkhoff Cimetière de Saint-Ouen bi Paris bisett.

1978 wurr se in de International Tennis Hall of Fame upnommen

Grand-Slam-Siege in' Eenzel

French Open: 1920 bit 1923, 1925 un 1926, somit sössmal
Wimbledon: 1919 bit 1923, 1925, ok sössmal

Weblenken

Suzanne Lenglen. Mehr Biller, Videos oder Audiodateien to’t Thema gifft dat bi Wikimedia Commons.