Solon Irving Bailey

Vun Wikipedia
Zur Navigation springen Zur Suche springen
Solon Irving Bailey

Solon Irving Bailey (*29. Dezember 1854 in Lisbon, New Hampshire, USA; †5. Juni 1931 bi Boston, Massachusetts) weer en US-amerikaanschen Astronom.

Leven un Wark[ännern | Bornkood ännern]

Bailey hett vun 1887 an bi de Harvard-College-Steernwacht arbeit. As de Steernwacht den „Boyden Fund“ ut dat Arv vun Uriah A. Boyden kregen harr, hett Bailey en wichtige Rull speelt bi de Söök na en Standoort för de Boyden Station in Arequipa, Peru, de he vun 1892 bit 1919 vörstahn hett. He weer butendem een vun de eersten Wetenschaplers, de meteorologische Studien in bannig hoge Wööstrebeden in Peru maakt hett. De Boyden Station is in’t Johr 1927 wegen dat betere Wedder na Bloemfontein in Süüdafrika verleggt worrn un is dor as Boyden-Steernwacht bekannt worrn.

Bailey is 1892 he in de American Academy of Arts and Sciences wählt worrn, 1923 in de National Academy of Sciences. He hett intensive Studien an Ännerliche Steerns in Kugelsteernhopens vun de süüdlichen Hemisphäär maakt. In’n Juni 1902 hett he den Asteroid (504) Cora opdeckt, butendem hett he akkeraat de Periood vun de Helligkeitsännern vun (433) Eros bestimmt, as de Asteroid 1903 in Oppositschoon stünn. Na den Dood vun Edward Charles Pickering weer Bailey vun 1919 bit to’t Beropen vun Harlow Shapley 1921 gewarfsföhren Direkter vun de Harvard-College-Steernwacht.

Weblenken[ännern | Bornkood ännern]