Solemio Stood
Dat Solemio Stood is en Swemmbad in de Stadt Stood in’n Landkreis Stood. Dat liggt in’n Stadtdeel Kamp an’n Exerzeerplatz. Bedreven warrt dat von de Stadtwarken Stood.
De Naam is en Woordspeel ut Sool un dat bekannte Leed ’O sole mio. Ünner Stood liggt en Reeg Soltlagersteden. Dat Solt is siet 1872 von de Stoder Salien as Sool ut de Eer haalt worrn. Dat Solemio hett en Reeg Beckens mit Soltwater.
Dat Bad hett ünner annern en 25-Meter-Becken, en 57 Meter lange Waterrutsch un en Sauna-Landschop.
Dat eerste Hallenbad an de Steed von dat Solemio blangen dat Stadion Camper Höhe von’n TuS Güldenstern Stood is 1972 boot worrn.
De Grundsteen för dat hüdige Solemio is in’n September 2000 leggt worrn un dat Richtfest weer an’n 26. Juni 2001. Tostännig weer Architekt Udo Janßen ut Twüschenahn. Dat Bad hett allens tohoop 19 Millionen Mark köst. Anfang Januar 2002 hett dat Bad denn ganz wedder apenmaakt.
An’n 31. März 2006 harr dat Bad denn den Millionsten Besöker.
Weblenken
[ännern | Bornkood ännern]- Websteed von dat Swemmbad (hoochdüütsch)
Koordinaten:53° 35′ N, 9° 29′ O