Stoder Salien

Vun Wikipedia
Zur Navigation springen Zur Suche springen

De Stoder Salien weer en Salien bi Stood, de von 1873 bet 2003 Solt herstellt hett.

Historie[ännern | Bornkood ännern]

De eersten Bohrungen för de Salien hett dat 1870 geven. 1872 is dat Ünnernehmen denn offiziell grünnt worrn. De eerste Standoort weer bi’n hüdigen Festplatz an de Horbörger Straat in Kamp (53° 35′ N, 9° 29′ O). 1873 sünd al 210 Scheep mit Solt ut Stood na Westafrika seilt. 1919 is Stood Seet von’n Exportverband von de düütschen Salinen worrn. In’n Februar 1945 hett de Salien dichtmaakt un hett 1946 de Produkschoon wedder anfungen. Von 1961 af an hett de Salien to de Noorddüütsche Salinen GmbH höört. De ne’e Salien in Bassenfleet an de Münn von’e Swing hett 1964 opmaakt un de ole Salien hett denn 1965 dichtmaakt. De dree Schosteens von de ole Salien sünd in’n Oktober 1973 sprengt worrn.

De ne’e Salien hett Warms von dat Kernkraftwark Stood bruukt un harr en Produkschoonsvolumen von 350.000 Tunnen Solt in’t Johr. In’n Juni 2003 hett de Besitter Akzo-Nobel de Salien dichtmaakt. De Salien harr toletzt 175 Lüüd in Lohn un Brood. Bet 2008 is de Salien afreten worrn.

Literatur[ännern | Bornkood ännern]

  • Hildegard von Marchtaler: 75 Jahre Stader Saline G.m.b.H. 1948


Koordinaten:53° 37′ N, 9° 31′ O