Sluppwöpsen

Vun Wikipedia
Zur Navigation springen Zur Suche springen
Sluppwöpsen
Holtwöpsen-Sluppwöpse (Rhyssa persuasoria), just bi't Anpricken vun en Dannenboom, up Söök na Budden vun de Holtwöpsen.
Systematik
Domään: Eukaryota

ahn Rang: Veelzellers (Metazoa)
Afdeel: Geweevdeerter (Eumetazoa)
Ünnerafdeel: Tweesiedendeerter (Bilateria)

ahn Rang: Ehrdermünner (Protostomia)
Böverstamm: Huututtreckers (Ecdysozoa)
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Böverornen: Neeflunken (Neoptera)
Ornen: Huudflunken (Hymenoptera)
Ünnerornen: Kneepwöpsen (Apocrita)
Infraornen: Leggimmen (Terebrantia)
Familie: Sluppwöpsen (Ichneumonidae)
Wetenschoplich Naam
Ichneumonidae
Latreille, 1802

Bi de Sluppwöpsen (Ichneumonidae) hannelt sik dat um en unbannig grote Familie mank de Insekten. Dor sünd bitherto um un bi 30.000 Aarden vun beschreven. Taxeert warrt, datt dat alltohopen bi 60.000 Aarden gifft. Se höört all to de Ornen vun de Huudflunken (Hymenoptera) mit to.

Kennteken[ännern | Bornkood ännern]

Düsse Insekten sünd man slank boot un hefft en bannig dünne Wöpsenkneep. Dor hannelt sik dat um den heel dünnen Overgang vun de Bost nah dat Achterlief bi. De Lengde vun dat Lief liggt twuschen 0,3 un 4,2 cm. De Seken dreegt en langen Leggbohrer (Ovipositor). Mit düt Organ könnt se ehren Weert pricken un dor Eier in afleggen. Wenn se utkrapen sünd, freet de Budden den Weert up un de Weert geiht denn doot.

Nüttigkeit[ännern | Bornkood ännern]

Sluppwöpsen sünd man tämlich bekannt, vunwegen dat sik dat dor um Parasitoide bi hannelt, de annere Insekten dootmaakt, dormank allerhand Untüüch. De wecken Aarden weert in grote Masse utsett wenn bioloogsch gegen Untüüch angahn weern schall, unner annern gegen Blattlüse un Witte Flegen. Se leggt ehre Eier in de Larven oder Poppen vun annere Insekten af. Dornah freet se ehren Weert suutje vun binnenut up.

Wo se vörkaamt un leven doot[ännern | Bornkood ännern]

Düsse Familie kummt over de ganze Welt hen vör in Gemarken mit en matigen Klima. Alleen in Düütschland leevt mehr, as 3.300 Aarden.


Taxonomie[ännern | Bornkood ännern]

Düsse Unnerfamilien höört to de Familie vun de Sluppwöpsen mit to:


Bovento höört düsse Geslechter to de Familie vun de Sluppwöpsen, ofschoonst se nich to en Unnerfamilie rekent weert:

Weblenken[ännern | Bornkood ännern]

Commons-logo.svg Sluppwöpsen. Mehr Biller, Videos oder Audiodateien to’t Thema gifft dat bi Wikimedia Commons.