Selina Gasparin

Vun Wikipedia
Zur Navigation springen Zur Suche springen

Selina Gasparin (* 3. April 1984 in Samedan) is en Swiezer Biathletin.

Selina Gasparin is 2004 vun den Skilangloop to’n Biathlon wesselt. Hör Süsters Elisa un Aita sünd Biathlon-Sportler un starten ok in den Weltcup. Se billen tosommen mit Lena Haecki meestens de Swiezer Fruenstaffel.

2004 geev se hör Debüt in’n Europacup un 2005 keem se eerstmals in’n Biathlon-Weltcup to’n Insatz. 2007 nehm se as eerst Swiezer Frau un de Biathlon-Weltmeesterschapen 2007|Biathlon-Weltmeesterschapen]] deel un keem in dat Eenzelrennen up Platz 44. In‘n Januar 2009 wunn se in Oberhof as 29. in en Sprintrennen eerstmals Weltcuppunkte. Se nehm denn ok an de Olympisch Winterspele deel, ahn dor en Medaille to recken. Af dat Johr reck se ok gelegentlich Platzeeren ünner de best Teihn in’n Weltcuprennen.

To Anfang vun de Weltcupsaison 2013/14 fier se an’n 6. Dezember 2013 bi den Sprint in Hochfilzen hör eersten Weltcupsieg Weltcupsieg (vör Veronika Vítková, Irina Starych un Tora Berger, wat de eerste Sieg un de eerste Podestplatz vun en Swiezer bi de Fruen in disse Sportaart weer.[1] Een Week later wunn se ok dat Sprintrennen vun den darten Weltcup in Le Grand-Bornand (vör Kaisa Mäkäräinen un Walentyna Semerenko un övernehm dormit ok eerstmal dat root Trikot vun de Disziplinführenden. In den Gesamtweltcup keem se an’t Enn‘ vun de Saison up den 11. Platz und in de Sprintwertung up Platz 6. Anfang Januar 2014 reck de Fruenstaffel mit de dree Gasparin-Süsters un Irene Cadurisch as Slusslöperin in Ruhpolding mit Platz teihn de vun den Verband fordert Norm för de Deelnahm an de Olympisch Winterspelen.[2] Nah twee Top-20-Platzeeren in’n Sprint un in de Verfolgung wunn Gasparin am 14. Februar 2014 de Sülvermedaille in dat Eenzelrennen. Nah fehlerfree Scheeten keem se över een Minüüt achter de Olympiasiegerin Darja Domratschawa, aber vör Nadseja Skardsina un Gabriela Soukalová in’t Teel un sörg dormit för en wiedere Premiere in’n Swiezer Biathlonsport.[3] Dornah leep dat denn nich ganz so goot wieder un to de Saison 2014/15 hett se denn en Wettkamppaus inleggt, wiel se Moder wurr.

To de Saison 2015/16 weer se weern an’n Start, keem een paar Mal ünner de best Teihn un in de Gesamtwertung an’t Enn‘ vun dat Johr up Platz 24. Hör best Eenzelergevnis weer dorbi Platz 2 in de Verfolgung vun Antholz achter Jekaterina Jurlowa-Percht un vör Dorothea Wierer. In de Folgesaison keem se nie up dat Podest, aber in de Gesamtwertung noch up den 17. Platz. Ähnlich weer dat Ergevnis in de Saison 2017/18, de se as 25. In den Gesamtweltcup afsluuten dee. Bi de Olympisch Winterspelen 2018/Biathon|Olympisch Winterspelen keem se mit de Staffel up den 6. Platz

2018/19 hett se kien Weltcuppunkte haalt, keem aber in de Staffel to’n Insatz. In de Saison 2019/2020 keem se aber weer in de Punkteränge rin. Bi de Biathlon-Weltmeesterschapen 2020 reck se mit de Swiezer Fruenstaffel weer den 6. Platz. Bi Weltcuprennen harr se dorför mit de Staffel all tweemal den 3. Platz un to’n Uptakt in Östersund sogor Platz 2 reckt. To’n Afsluss vun de Saison, bi de de eegentliche Afsluss in Östersund wegen de COVID-19-Epidemie, afseggt wurrn weer, reck se hör best Ergebnisse in de Saison. Nahdem se in Kontiolahti in’n Sprint all en gooden teihnten Platz belegg harr, keem se in de ansluuten Verfolgung up den 2. Platz (achter Julia Simon, aber vör Lisa Vittozzi, Kaisa Mäkäräinen (in de hör letzt Rennen), Monika Hojnisz-Staręga un annern). In den Gesamtweltcup reck se so den 40. Platz.

Literatur[ännern | Bornkood ännern]

  • Philipp Gurt: Selina Gasparin; Literaricum Buchverlag Philipp Gurt, 1. Uplaag, 2016, 232 Sieden; ISBN 978-3-9523-9619-3

Weblinks[ännern | Bornkood ännern]

Commons-logo.svg Selina Gasparin. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Selina Gasparin mit historischem Sieg. In: St.Galler Tagblatt Online. 6. Dezember 2013, afropen an’n 10. Dezember 2013.
  2. Olympia-Ticket: Schweizerinnen schaffen Sensation. Swiss-Ski, 8. Januar 2014, archiveert von’t Original an’n 9. Januar 2014, afropen an’n 9. Januar 2014.
  3. Silber für Selina Gasparin: Null Fehler! In: NZZ Online. Neue Zürcher Zeitung, 14. Februar 2014, afropen an’n 14. Februar 2014.