Veronika Vítková

Vun Wikipedia
Zur Navigation springen Zur Suche springen

Veronika Vítková (* 8. Dezember 1988 in Vrchlabí) is en tschechisch Biathletin.

Vítková bi de Weltmeesterschapen 2013.

Veronika Vítková leevt in Jilemnice un hör Vereen is KB Jilemnice. De Studentin wurrd vun Jindrich Šikola traineert. Se fung 1999 mit den Biathlonsport un hörrt siet 2004 to'n Natschonalkader vun Tschechien. 2005 nehm Vítková eerstmals in Kontiolahti an Junioren-Weltmeesterschapen deel. Dat beste Ergevnis weer Platz negen in' Sprint. En Johr later wunn se in Presque Isle den Titel in' Eeinzel un keem up Platz fiev in' Sprint. Hör best Ergevnis bi de Junioren-Europameesterschapen in Langdorf weer en sösste Rang, ebenfalls in' Eenzel. 2006 geev Veronika Vítková hör Debüt in' Weltcup. In Hochfilzen belegg se Rang 84 in' Sprint un teihn mit de Staffel.

Nich so spoodriek verleep de Junioren-WM vun dat Johr 2007 in Martell, wo hör best Ergevnis Platz 12 weer. Bi de Junioren-EM in Bansko wunn se dorför aber Bronze in de Verfolgung, nahdem se in' Sprint all den fievten Platz beleggt har. Dat best Ergevnis in' Weltcup weer en achter Platz mit de Staffel 2007 in Ruhpolding. Hör veert Junioren-WM leep de jung Tschechin 2008 in Ruhpolding. Nah en sössten Platz in' Sprint wunn se in de Verfolgung de Sülvermedaille achter Magdalena Neuner un in' Eenzel keem se up den sössten Platz. Ehr internatschonalen Dörbröök harr Veronika Vítková bi de Biathlon-Weltmeesterschapen 2008 in Östersund. Nahdem se in' Sprint 57. wurr un in de ansluuten Verfolgung nich an den Start gung, wurr se mit de Mixed-Staffel 12. un reeck Platz 14 in' Eenzel. Bi de ansluuten stattfinnen Junioren-Europameesterschap in Nové Město na Moravě, wunn Veronika Vítková Bronze in' Sprint un Sülver in de Verfolgung. Bi de Junioren-WM 2009 in dat kanaadsch Canmore weer Veronika Vítková weer spoodriek. Mit de tschechisch Staffel wurr se Weltmeesterin un in de Verfolgung wunn se de Sülvermedaille achter Miriam Gössner. Ok bi de Weltmeesterschap in Pyeongchang kunn Vítková weer övertüügen un reck nach Platz 18 in' Sprint mit Rang 10 in de Verfolgung un 5. Platz in' Eenzel eerstmals de Top 10 in den Utwussenberiek. In den ansluuten Massenstart kunn se disse Ergevnisse mit en 10. Platz ünnerstriekn. Veronika Vítková nehm an de Olympisch Winterspelen 2010 deel. Hör best Resultat weer dorbi de 24. Platz in' Sprint. Mit de Staffel belegg se Rang 16.

In de Weltcup-Saison 2012/2013 gelung dat Veronika Vítková an de goot Ergevnisse ut dat Johr 2009 antoknütten. Nah mehreren Top-Teihn-Platzen in de eersten Rennen vun de Saison kunn se in de Verfolgung vun dat Rennen in Oberhof vun Platz 16 up Platz 2 loopen un stunn dormit erstmals up dat Siegerpodest vun en Weltcup-Rennen. Twee Johr later in de Saison 2014/15 wunn se in' Sprint an glieker Stäe hör eersten Weltcup-Eenzelwettkamp. Dortüschen harr se an de Olympisch Winterspelen 2014 deelnomen, un dorbi in de Mixed-Staffel gemeensam mit Ondřej Moravec, Jaroslav Soukup un Gabriela Soukalová de Sülvermedaille wunnen.

Bi de Biathlon-Weltmeesterschapen 2015 wunn se in de Mixed-Staffel gemeensam mit Gabriela Soukalová, Michal Šlesingr un Ondřej Moravec de Goldmedaille un keem in' Eenzel up den 8. Platz.

Weblenken[ännern | Bornkood ännern]