Schreevagels

Vun Wikipedia
Zur Navigation springen Zur Suche springen
Schreevagels
Halsband-Wehrvagel (Chauna torquata)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Schreevagels (Anhimidae)
Wetenschoplich Naam
Anhimidae
Stejneger, 1885
Halsband-Whrvagel

Die Schreevagels (Anhimidae) sünd en Familie mank de Gösevagels (Anseriformes). Dor höört dree Aarden mit to. Se sünd all in Süüdamerika tohuse. Ofschoonst se vun dat Utsehn na de Puters slahn doot, hannelt sik dat bi jem um de engsten Verwandten vun de Aantenvagels. En Reeg vun Egenaarden passt ehrder to Höhnervagels, as de höhnerhaftige Snavel, de bloß man lüttjen Swemmhüde mank de Töhn un datt se de Feddern nich all up’n Mol uttuuscht bi’n Ruden. Vundeswegen könnt se jummers flegen. Bovenhen hefft se noch en Nettwarks vun Luftsäck direktemang unner de Huut. Ehren Naam hefft se vunwegen ehr unbannig luut Geschree. In’t Engelsche hefft se dor den Naam „Screamers“ (Schreebüdels) vun weg kregen.

Kennteken[ännern | Bornkood ännern]

De Schreevagels seht ehrder ut, as wenn se to de Höhnervagels tohören döen. Dat liggt nich bloß an dat wat butte Lief, man sunnerlich ok an den lüttjen Kopp mit den korten Snavel. De Vagels sünd twuschen 75 un 95 cm groot un könnt bit hen to 4,5 kg wegen. Ehre Been sünd lang un dick mit grote Fööt un lange Töhn mit man wat lüttje Swemmhüde. So leevt se in flach Waters in’e Masch un in’n Sump. Vunwegen de Luftsäck unner de Huut un Luft, de in de Knaken inslaten is, könnt se up Swemmplanten lopen un gaht nich unner.

Heken un Seken verscheelt sik nich groot, man dat Heken is en lütt beten gröter. De Feddern sünd swatt bit gries-bruun.

Kiek ok bi[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Schreevagels. Mehr Biller, Videos oder Audiodateien to’t Thema gifft dat bi Wikimedia Commons.