Sapodilla Cayes

Vun Wikipedia
Hunting Caye
Ingang to de Anlagen von dat Sapodilla Cayes Marine Reserve op Hunting Caye

De Sapodilla Cayes (spaansch Cayo Sapodilla, Cayos Zapotillos) sünd en Keed von lüttje Eilannen (Cayes) in’n Golf von Honduras üm un bi 35 Kilometer vör de Küst von Belize, de to dat Belize Barrier Reef höört. De Eilannen hebbt keen permanente Inwahners, warrt aver fakener von Touristen besöcht. De Krallenriffs rund üm de Eilannen warrt von Montastrea-Krallen domineert.

De Eilannen höört to Belize un dor to’n Distrikt Toledo. De Verwaltung hett aver dat Fischereeafdeel von dat Ministerium för Bueree, Fischeree, Forsten, Ümwelt un Entwicklung. Aver ok Guatemala un Honduras beansprucht dat Land för sik. De facto steiht dat aver ünner Kuntrull von Belize.

De Eilannen sünd 1996 as Sapodilla Cayes Marine Reserve schuult worrn. Düt Rebeed is 156,18 km² groot. Düt Rebeed is to’n gröttsten Deel Water, blots 0,1767 km² sünd Land.

De enkelten Eilannen hebbt de Naams Tom Owen’s Caye (I un II), Northeast Sapodilla Caye, Frank’s Caye (Haupt, Oost un West), Nicholas Caye, Hunting Caye, Lime oder Low Caye un Ragged Caye. Seal Caye un Lawrence Rock in’n Westen höört ok mit to dat Schuulrebeed to, billt aver de egen Grupp von de Seal Cayes.

Weblenken[ännern | Bornkood ännern]

Sapodilla Cayes. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:16° 9′ N, 88° 17′ W