Samtgemeen Noordkeden

Wapen/Flagg	Koort
Basisdaten
Sitt:	Freiborg
Landkreis:	Stood
Flach:	193,01 km²
Inwahners:	7325 (31. Dezember 2016)
Geograafsche Laag:	53° 50′ N, 9° 17′ O
Grenzen bi OSM:	66482
Gemeenslötel:	03 3 59 407
Tall Gemenen:	5
SG-Börgermeester:	Edgar Goedecke (ohn’n Partei)
Websteed:	www.nordkehdingen.de
Koort Kreis Laag von de Gemeen Samtgemeen Noordkeden in’n Landkreis Stood (Koort lett sik anklicken)

De Samtgemeen Nordkeden is en Rebeetsverband in’n noord-westlichen Deel vun den Landkreis Stood. Se hett 7325 Inwahners (Stand 31. Dezember 2016) un liggt an de Elv in’n noorden Deel von dat Land Keden, von Wischhoben bit Balje.

Geografie

De Samtgemeen besteiht ut de Gemeenden Freiborg, Wischhoben, Oederquart, Krummendiek un Balje.

De Navers sünd de Gemeen Drochters in’n Süüdoosten, de Samtgemeen Hemmoor in’n Süden un de Samtgemeen Land Hadeln in’n Süüdwesten. Op dat annere Över von de Elv sünd de Navers dat Amt Marn-Land in’n Noordwesten, de Stadt Brunsbüttel in’n Noorden un dat Amt Wilstermasch in’n Noordoosten. Op en ganz lütt Enn in’n Oosten grenzt de Samtgemeen ok noch an dat Amt Horst-Hartshoorn.

Historie

De Samtgemeen hett sik an’n 1. Januar 1971 grünnt.

2015 hebbt de Gemeenrääd in de Samtgemeen beslaten, dat se as Eenheitsgemeen tohoopgahn wüllt. Dat schull to’n 1. Januar 2017 passeren. Dör en Börgerentscheid in de Gemeen Wischhoben an’n 29. November 2015 hebbt sik de Börgers von Wischhoben mit 68 % gegen de Eenheitsgemeen utspraken. Dormit weren de Plaans to Fall brocht un de Samtgemeen blifft bestahn.

Inwahnertall

Johr	Inwahners
1972-12-3131. Dezember 1972	9.162
1977-12-3131. Dezember 1977	8.443
1982-12-3131. Dezember 1982	8.137
1987-12-3131. Dezember 1987	8.126
1992-12-3131. Dezember 1992	8.340
1997-12-3131. Dezember 1997	8.186
2002-12-3131. Dezember 2002	7.953
2007-12-3131. Dezember 2007	7.636
2012-12-3131. Dezember 2012	7.523
2017-12-3131. Dezember 2017	7.336

Wapen

Dat Wapen vonn de Samtgemeen wiest op roden Grund op en grönen Schildfoot Marie in sülvern Kledaasch, mit gollen Kroon un Hillgenschien, mit en sülvern Bloom an en grönen Steel in de rechte Hand, de op en gollen Stohl sitt, un in ehren Arm dat Kinjees in sülvern Kledaasch un mit gollen Hillgenschien.

Politik

Samtgemeenraat

De Samtgemeenraat hett 21 Sitten. Blangen de 20 Liddmaten höört de Samtgemeenbörgermeester de Samtgemeenroot an.

Sitten in’n Samtgemeenraat

Johr	CDU	SPD	FWG
2006	9	9	2
2011	11	7	2

Samtgemeenbörgermeesters

Dat Amt von’n Samtgemeenbörgermeester weer bet to dat Enn von de Tweegleisigkeit 2001 ehrenamtlich. Siet 2001 is de Börgermeester in’t Hauptamt för de Verwaltung von de Samtgemeen tostännig.

• 1971–1996: Benedikt-Friedrich von der Decken
• 2001–: Edgar Goedecke

Samtgemeendirekters

Dat Amt von’n Samtgemeendirekter is 2001 mit dat Enn von de Tweegleisigkeit in dat Amt von’n hauptamtlichen Samtgemeenbörgermeester opgahn.

• 1. April 1989–2001: Edgar Goedecke

Weertschop un Infrastruktur

In de Samtgemeen Nordkeden gifft dat mehrstendeels de Bueree mit veel Aaftanbo un Veehweertschop.

Verkehr

De Fähr Wischhoben-Glückstadt is de eenzige Lenk för Autos över de Elv ünnerhalf vun Hamborg.

Scholen

De Samtgemeen Noordkeden is Dreger von de Oberschool Noordkeden (Oberschool) in Freeborg un von de Grundscholen Balje, Freeborg un Wischhoben.

De Grundschool Öderquart hett mit dat Enn von dat Schooljohr 2013/2014 dichtmaakt, von wegen dat de Schöllertallen to dull dalgahn sünd.

Ans gifft dat as Förderschool de Astrid-Lindgren-School, för de de Landkreis Dreger is.

Weblenken

Samtgemeen Noordkeden. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeen Noordkeden (hoochdüütsch)

Footnooten

Samtgemenen in’n Landkreis Stood

Freenbeek | Harsfeld | Hornborg | Lüh | Noordkeden | Obbens | Olendörp-Himmelpoorten