Nils-Holgersson-Grundschool

Vun Wikipedia
Zur Navigation springen Zur Suche springen

De Nils-Holgersson-Grundschool is de Grundschool in dat Dörp Wischhoben in’n Landkreis Stood. Dreger is de Samtgemeen Noordkeden.

Den Naam hett de School eerst vör en poor Johren kregen, bi en Utschreven twischen de Klassen. Vördem dee de School blot Grundschool Wischhoben heten. Aktuell (Stand 2007) sünd ölven Lehrers un twee annere Mitarbeiders an de School. Se ünnerricht bi 160 Schölers in acht Klassen.

Blangen de Klassenrüüm hett de School noch en Warkruum, en Förderruum, ene Köök, en Ruum för’n Saakünnerricht un en Computerruum. De School hett ok ene Turnhall un binnen de School is ok de Bökeree vun de Gemeend ünnerbröcht.

Dor gaht de Schölers ut de ganze Gemeen Wischhoben hen. De Öllern ut de Gemeen Öderquart hebbt, nadem de Grundschool Öderquart 2014 dichtmaakt hett, de Wahl, wat se ehr Kinner op de Grundschool Freeborg oder na Wischhoben schickt.

Nadem se mit de Grundschool trech sünd, gaht de Kinner na de Oberschool Noordkeden oder dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.

Schoolbaas[ännern | Bornkood ännern]

  • opstunns: Susanne Jantz

Weblenken[ännern | Bornkood ännern]


Koordinaten:53° 46′ N, 9° 19′ O