Saertex
Saertex is en düütsch Textilünnernehmen, dat speziell Gelegg-Textilien (non-crimp fabric, NCF) un Verbunfstoffen ut Glas-, Carbon- un Aramidfasern herstellt. Ok Techniken för dat Saneren von Kanaals ahn Buddeln höört to dat Geschäft.
Dat Ünnernehmen hett 1400 Mitarbeiders op de Welt un maakt en Ümsatz von 350 Milljonen Euro.[1]
Historie
[ännern | Bornkood ännern]Dat Ünnernehmen is 1982 von Bruno Lammers un Gert Wagener in dat westfäälsche Soarbiek grünnt worrn. De Naam sett sik tohoop ut Saer (von’n hoochdüütschen Naam von Soarbiek) un Tex för Textilien.
2001 hett dat Ünnernehmen en Standoort in Huntersville (North Carolina, USA) grünnt un 2002 een in Stood (in’n Stadtdeel Ottenbeek).[1] Dat Wark in Stood weer in de Neegd von dat Airbus-Wark Stood, wat en wichtigen CFK-Standoort is, un hett Bodelen för Airbus herstellt.
In dat Johr 2002 hett Saertex ok en Standoort in Arandon (Frankriek) grünnt un 2005 een in Pune (Indien).[1] 2008 kemen dor Standöörd in Dongying (China) un Viana do Castelo (Portugal) to, 2013 in Indaiatuba (Brasilien), 2017 in Pinghu (China) un 2018 in Izmir (Törkie).[1]
2019 hett Saertex dat Köhlenfaser-Ünnernehmen TK Industries ut Selbitz (Bayern) övernahmen.[1]
Dat Wark in Stood hett 2020 dichtmaakt, nadem de Tosamenarbeid mit Airbus al länger ennt harr un dat Ünnernehmen sik op sien Karngeschäft fokusseren wull.[2] In de 7000 m² grote Hall hebbt üm un bi 40 Lüüd arbeidt.[2]
Footnoten
[ännern | Bornkood ännern]- ↑ a b c d e Zahlen & Fakten, saertex.com
- ↑ a b Jörg Dammann: CFK-Valley-Gründerfirma schließt Werk zum Jahresende. Stade verliert weitere Arbeitsplätze, Wochenblatt an’n 25. August 2020
Weblenken
[ännern | Bornkood ännern]- Websteed von dat Ünnernehmen (hoochdüütsch)