Ruschkamp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ruschkamp
Laag vun Ruschkamp in Düütschland
Basisdaten
Bundsland: Neddersassen
Landkreis: Oosterholt
Gemeen: Oosterholt-Scharmbeek
Inwahners:
Postleettall: 27711
Vörwahl: 04791
Geograafsche Laag:
Koordinaten:53° 12′ N, 8° 46′ O
53° 12′ N, 8° 46′ O

Watermöhl in Ruschkamp

Ruschkamp (hoochdüütsch Ruschkamp) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort tellt al von öllers bi Scharmbeekstotel mit bi un höört vondaag ok to de polietsche Oortschop Scharmbeekstotel.

Geografie[ännern | Bornkood ännern]

De Oort liggt direkt op’n Rand von de Oosterholter Geest hen na de Maschen von de Hamm. Dat Water ut dat Rebeed flütt över Gravens na de Hamm af.

De Naveröörd sünd Settenbeek in’n Noorden, Lintel in’n Noordoosten, Moorhusen un Nedderenn in’n Süüdoosten, Hu’e un Veerhusen in’n Süüdwesten un Scharmbeekstotel in’n Westen.

Historie[ännern | Bornkood ännern]

De Möhl von Ruschkamp kummt 1620 toeerst in de Oorkunnen vör un is siet 1662 in Besitt von de Familie Wehmann. De Möhl is 1972 kumplett afbrennt, is aver wedder opboot un 2002 noch maal saneert worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hu’e in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Scharmbeek von dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Landkreis Oosterholt worrn.

De Gemeen Scharmbeekstotel is an’n 1. März 1974 Deel von de Gemeen Oosterholt-Scharmbeek worrn un Ruschkamp billt sietdem en Deel von de Oortschop Scharmbeekstotel binnen de Gemeen.

Inwahnertall[ännern | Bornkood ännern]

Johr Inwahners
1791-00-001791[1] 2 Füürsteden
1812-00-001812[2] 18
1824-00-001824[3] 2 Füürsteden
1848-00-001848[4] 35 Lüüd. 4 Hüüs
1871-12-011. Dezember 1871[5] 47 Lüüd. 5 Hüüs
1885-12-011. Dezember 1885[6] 28 Lüüd. 4 Hüüs
1905-12-011. Dezember 1905[7] 31 Lüüd. 5 Hüüs

Religion[ännern | Bornkood ännern]

Ruschkamp is evangeelsch-luthersch präägt un höört siet 1994 to de Fredenskark in Scharmbeekstotel. Vörher hett dat to dat Kaspel von de Willehadi-Kark in Scharmbeek höört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Ruschkamp föhrt lüttjere Straten na Scharmbeekstotel an de Bundsstraat 74 un na Hu’e an de [Landsstraat 151 (neddersassen)|]]. De B 74 geiht in’n Süüdwesten över Hu’e na Bremen-Noord un is dor mit de Autobahn 27 verbunnen un geiht in de A 270 över. In’n Noordoosten geiht de B 74 över Oosterholt-Scharmbeek na Bremervöör.

De Opfohrt 16 Bremen-Noord op de Autobahn 27/270 liggt knapp söss Kilometer in’n Süüdwesten von Ruschkamp.

De nächste Bahnhoff is so bi dree Kilometer wied weg in’n Süüdwesten de Bahnhoff Hu’e an de Bahnlien Bremen–Bremerhoben. Düsse Bahnlien löppt ok direkt an de Hööv von Ruschkamp langs.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 197
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 522
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144