Roger Pingeon

Vun Wikipedia
Roger Pingeon (2011)
Roger Pingeon up en Breefmark

Roger Pingeon (* 28. August 1940 in Hauteville; † 19. März 2017 in Beaupont) weer en franzöösch Radrennfohrer.

Sportlich Loopbahn[ännern | Bornkood ännern]

Roger Pingeon hett en Lehre as Klempner maakt. Wiels sien Utbillen keem he mit den Radsport in Berührung uni s tonächst spoodriek Amateurrennen. Sien Radsportloopbahn wurr dör den Militärdeenst ünnerbraaken, de he hööftsächlich in Algerien verbroch. 1964 belegg he bi Polymultipliée lyonnaise Platz twee bi dat Rennen vun de Amateure un wunn den Dag laater dat apen Rennen, an dat ok Progis deelnehmen deen. Doruphen wurr he vun dat Team Peugeot um den lateren Weltmeester Tom Simpson ünner Verdrag nommen.

Roger Pingeon weer bit 1974 Radprofi. In sien eerst Profijohr, 1965, keem he bi de Tour de France up Platz 12 in de Gesamtwertung. In dat Johr dorup wull he allerdings vun den Radsport torüchtreeden, wiel he kört nahnanner bi Paris–Nizza un bi de Critérium du Dauphiné harr upgeeven mööten, aber vun sien Sportkollegen kunn he to dat Wiederfohren överreed wurrn.

1967 wunn Pingeon die Tour de France; de Sieg stunn aber in den Schadden vun den Dood vun sien Mannschapskameraden Tom Simpson. Insgesamt is Pingeon söben Mal bi de Tour de France antreeden un hett dorbi ok veer Deelstrecken wunnen. 1969 hett he de Spanien-Rundfohrt up sien Naam schreeven un ok dorbi twee Deelstrecken wunnen. In de letzt Johren vun sien sportlich Loopbahn harr he mit gesundheitlichen Problemen to kämpen.

Later hett Pingeon för dat Swiezer Feernsehn de Tour de France kommenteert. Sien Bröer is de ehmalge Radrennfohrer René Pingeon. Wiels den Sieg vun Roger Pingeon bi de Vuelta 1969 weer he de sien Teamkolleeg. Jedes Johr wurrd in dat Département Hérault dat Jedermannrennen L’Héraultaise Cyclosportive Roger Pingeon utdragen.[1] Roger Pingeon is in de Nacht van 18. up den 19. März 2017 in dat Öller vun 76 Johren storven.[2]

Tour de France-Palmarès[ännern | Bornkood ännern]

  • 1965: 12. Platz
  • 1966: 8. Platz
  • 1967: Gesamtsieg un een Deelstreck
  • 1968: 5. Platz un twee Deelstrecken
  • 1969: 2. Platz un een Deelstreck
  • 1972: utscheeden

Literatur[ännern | Bornkood ännern]

  • Bertrand Duboux: Roger Pingeon. Un maillot jaune qui a soif de vérité. Éditions Baudelaire, Lyon 2012, ISBN 978-2-35508-950-3.
  • Bertrand Duboux, Roger Pingeon: Carnets de route. Tours et détours. Éditions Slatkine, Genf 2007, ISBN 978-2-8321-0095-0.
  • Roger Guillerminet: Roger Pingeon. Alain Sutton, Saint-Cyr-sur-Loire 2004, ISBN 2-84910-146-X.
  • René Jacobs, Hector Mahau, Harry van Den Bremt, René Pirotte: Velo Gotha. Presses de Belgique, Brüssel 1984, S. 413.

Enkeld Nahwiesen[ännern | Bornkood ännern]

  1. heraultsport-pingeon.fr
  2. [1] Roger Pingeon, vainqueur du Tour de France 1967, est mort, Le Monde, van‘ 19. März 2017, afropen an den sülvigen Dag (franzöösch)

Weblenken[ännern | Bornkood ännern]