Richard Fröhlich

Vun Wikipedia
Zur Navigation springen Zur Suche springen

Richard Fröhlich (* 5. Juni 1986 in Stood) is en düütschen Basketballspeler. He speelt as Center, wiggt bi 100 Kilogramm un is 2,06 m groot.

Fröhlich is 1986 as Söhn von Vinet un Georg Fröhlich in’t Krankenhuus Stood boren un in Olendörp opwussen. De öllst von sien veer Süstern is Linda Fröhlich. De Moder weer in de Basketball-Natschonalmannschop von de Sowjetunion. He weer op de Realschool Olendörp. He hett 2003 bet 2004 bi’n VfL Stood speelt, is denn 2005 bi de Cuxhoben BasCats ween un güng 2006 wedder na’n VfL Stood. 2007 bet 2008 is he na de USA gahn un hett för dat Citrus College in Glendora bi Los Angeles speelt. Dor hett he 2007 4,1 Punkte un 3,3 Rebounds pro Speel maakt un 2008 6,9 Punkte un 4,4 Rebounds. He hett mit disse Mannschop 2008 de Kalifornien-Meesterschop wunnen. 2009 bet 2010 weer he in de Mannschop von de Universität von Texas in San Antonio. Dor hett he 2009 2,6 Punkte un 2,3 Rebounds in 7,3 Minuten pro Speel maakt un 2010 2,2 Punkte un 1,9 Rebounds in 8,8 Minuten pro Speel. Fröhlich hett dor blangenbi Soziologie studeert. He is denn trügg na Düütschland gahn un hett dor 2010 för de Cuxhoben BasCats speelt. Dor hett he in 21 Spelen 5,2 Punkte un 3,3 Rebounds in knapp 12 Minuten pro Speel maakt. 2011 hett he för de Uni-Riesen Leipzig in de 2. Basketball-Bundsliga ProB speelt, 2012 för de BG Leitershofen/Stadtbergen in de 2. Basketball-Bundsliga ProA un von 2013 af an för den BBC Meideborg in de 2. Basketball-Bundsliga ProA.