Rainer Erler
Horst Rainer Erler (* 26. August 1933 in München; † 8. November 2023 in Perth, Australien) was en düütschen Schriever, Speelbaas un Filmproduzent.
Leven un Wark[ännern | Bornkood ännern]
Na sien Abitur hett Erler as Helpsmann vun’n Speelbaas arbeit, ünner annern bi Paul Verhoeven un Franz Peter Wirth.
Ut sien fröh Filmwark weer sünners Feernsehfilmen as Seelenwanderung (1962) mit Hanns Lothar un Wolfgang Reichmann un Orden für die Wunderkinder (1963) mit Carl-Heinz Schroth und Edith Heerdegen utermatig. Veel Acht kreeg ok de Science-Fiction-Reeg Das Blaue Palais, de 1974-76 vun’n ZDF produzeert worrn is. In de Reeg weer de Fraag na de wetenschopplichen Verantwoortung behannelt. Mit sien Thriller Fleisch (1979), de sik mit dat Thema Organhanneln ut’nannersetten deit, is Erler weit över Düütschland rut bekannt worrn.
Rainer Erler gellt as de bedüdenste Maker vun düütsche Science-Fiction-Filmen för’t Kino un för’t Feernsehn, un as Begrünner vun dat Ünnergenre vun’n Science-Thriller, in dat brisante sellschoppliche, politische un wetenschoppliche Themen mit veel Spannung vörstellt warrt.
In sien Filmen hett he sik faken mit disse Oort vun Themen befaat, as to’n Bispeel Karnenergie, Atommüll, Ethik in de wetenschopplichen Forschung, Genmanipulatschoon, Organhannel oder Verbreken. Vele vun sien Filmen hebbt bi’t Utstrahlen kontroverse Reakschonen utlöst. Ut hüütige Sicht künnt sien Filmen as wietsichtig, meist al prophetisch ansehn warrn.
Erler harr Wahnungen in Perth un in Böverbayern.
Filmografie (Utwahl)[ännern | Bornkood ännern]
| Johr | Titel | Funkschoon |
|---|---|---|
| 1952 | Illusion in Moll | Helpsmann vun’n Speelbaas |
| 1961 | Schlüsselblumen, Feernsehn | Dreihbook Speelbaas |
| 1962 | Die Seelenwanderung, Feernsehn | Dreihbook Speelbaas |
| 1963 | Sonderurlaub, Feernsehn | Speelbaas |
| 1963 | Orden für die Wunderkinder, Feernsehn | Dreihbook Speelbaas |
| 1964 | Lydia muss sterben, Feernsehn | Dreihbook Speelbaas |
| 1967 | Der Kommandant von Molinette, Feernsehn | Dreihbook Speelbaas |
| 1969 | Der Attentäter, Feernsehn | Speelbaas |
| 1970 | Die Delegation, Feernsehn | Dreihbook Speelbaas Produzent |
| 1973 | Sieben Tage, Feernsehn | Dreihbook Speelbaas Produzent |
| 1975 | Die Halde, Feernsehn | Dreihbook Speelbaas Produzent |
| 1974-76 | Das blaue Palais, Feernreeg | Dreihbook Speelbaas Produzent |
| 1977 | Operation Ganymed | Dreihbook Speelbaas Produzent |
| 1978 | Plutonium, Feernsehn | Dreihbook Speelbaas Produzent |
| 1979 | Fleisch, Feernsehn | Dreihbook Speelbaas Produzent |
| 1980 | Ein Guru kommt, Feernsehn | Dreihbook Speelbaas |
| 1981 | Der Spot oder Fast eine Karriere, Feernsehn | Dreihbook Speelbaas |
| 1984 | Flashback – Das schöne Ende der Welt, Feernsehn | Dreihbook Speelbaas Produzent |
| 1986 | News – Reise in eine strahlende Zukunft, Feernsehn | Dreihbook Speelbaas Produzent |
| 1989 | Zucker – Eine wirklich süße Katastrophe, Feernsehn | Dreihbook Speelbaas |
| 2000 | Einladung zum Mord, Feernsehn | Dreihbook |
Romanen[ännern | Bornkood ännern]
- Das Blaue Palais. Das Genie
- Das Blaue Palais. Der Verräter
- Das Blaue Palais. Das Medium
- Das Blaue Palais. Unsterblichkeit
- Das Blaue Palais. Der Gigant
- Delay – Verspätung.
- Die Delegation
- Ein Feuerzeichen
- Fleisch
- Die Kaltenbach-Papiere
- Die letzten Ferien
- Die Orgie
- Plutonium
- Reise in eine strahlende Zukunft
- Zucker
- Die Zweitfrau
Utteken[ännern | Bornkood ännern]
Erler hett för sien Warken mehrere Priesen kregen. In’t Johr 2004 is he mit den Düütschen Fantasy-Pries uttekent worrn. För sien Filmen weer he to’n Bispeel ehrt mit:
- 1964: den Adolf-Grimme-Pries in de Kategorie Fikschoon/Ünnerholen för Sonderurlaub
- 1965: den Ernst-Lubitsch-Pries för Seelenwanderung
- 1970: den Adolf-Grimme-Pries in Gold in de Kategorie Fikschoon/Ünnerholen för Der Attentäter
- 1971: de Goldene Kamera in de Kategorie Beste düütsche Feernsehfilm för Die Delegation
- 1974: den Adolf-Grimme-Pries in Sülver in de Kategorie Feernsehspeel för Sieben Tage
Butendem weer he 2004 in München mit dat Bundsverdeenstkrüüz an’t Band ehrt.
Literatur[ännern | Bornkood ännern]
- Florian F. Marzin: Rainer Erler – eine Würdigung. In: R. Gustav Gaisbauer (Rgv.): Phantastische Filmwelten. Sechster Kongress der Phantasie. Erster Deutscher Fantasy Club, Passau 2004, ISBN 3-932621-78-6, S. 15–20.
Weblenken[ännern | Bornkood ännern]
- Literatur vun un över Rainer Erler in’n Katalog vun de Düütschen Natschonalbökeree
- Rainer Erler in de Internet Movie Database (engelsch)
- Websteed vun Rainer Erler