Río Poteca
| Río Poteca | |
|---|---|
| Laag | Nicaragua, Honduras |
| Stroomsystem | Río Coco |
| Läng | 90 km |
| Afströömrebeed | 1.292 km² |
| Born | bi Trojes |
| Münn | in’n Río Coco |
| linke Blangenströöm | Río Quebradona, Río Guano |
| rechte Blangenströöm | Río Guineo, Río El Estero, Río Macaralí, Río San Pablo |
De Río Poteca is en Stroom op de Grenz von Nicaragua un Honduras, de in’n Río Coco münnt. De Stroom is so üm un bi 90 Kilometer lang.
De Stroom hett sien Born in dat Municipio Trojes in Honduras, dicht bi de Grenz na dat Municipio Patuca. Von dor flütt de Beek dör en Daal na Süden un triddt na teihn Kilometer bi Trojes ut de Bargen rut. Twüschen Trojes un Teotecacinte flütt de Stroom över de Staatsgrenz na Nicaragua op dat Rebeed von dat Municipio Jalapa. Dor nimmt he von rechts den Río Guineo un den Río Limón op. In de Neegd von Tauquil münnt von rechts de Río El Estero in’n Río Poteca. De Stroom dreiht denn op en Süüdoostkurs un brickt dör de Cordillera Dipilto Jalapa dör. Von hier af an bet na de Münn billt de Río Poteca de Grenz von Honduras un Nicaragua. Alltohoop sünd dat noch 59 Kilometer dör dünn besiedelt Rebeed. In Nicaragua doot de Municipios Murra un Wiwilí liggen un in Honduras dat Municipio Trojes.
De Río Poteca nimmt von rechts den Río Macaralí un Río San Pablo un von links den Río Quebradona un Río Guano op un münnt toletzt bi’n lüttjen Oort Boca de Poteca in’n Río Coco. De Río Coco wedder münnt later in de Karibische See.
Koordinaten:13° 50′ N, 85° 45′ W