Río Nombre de Jesús

Río Nombre de Jesús
Laag	Yoro, Honduras
Stroomsystem	Río Aguán
Läng	22 km
Born	bi Trojas
Koordinaten Born:	15° 17′ N, 86° 41′ W
Münn	bi Nombre de Jesús in’n Río Aguán
Koordinaten Münn:	15° 26′ N, 86° 40′ W
linke Blangenströöm	Quebrada Nombre de Jesucito, Quebrada Prieta
rechte Blangenströöm	Quebrada del Cacao

De Río Nombre de Jesús is en üm un bi 22 Kilometer langen Stroom in dat Municipio Olanchito, Departamento Yoro, Honduras, de von rechts in’n Río Aguán münnt.

De Stroom hett sien Born in de Bargen von de Cordillera de La Esperanza an de Grenz na dat Departamento Olancho. Dat liggt an de Waterscheed na de Quebrada Grande (flütt na’n Río Yaguala) in’n Westen un de Quebrada Negra (flütt na’n Río Chiquito) in’n Süden. Von dor flütt he toeerst na Noordoosten un dreiht denn op en Noordwest-Kurs. He nimmt von links de Quebrada Nombre de Jesucito un de Quebrada Prieta op un flütt von dor af an na Noorden. He flütt in twee Kilometer Afstand an’n Oort Trojas vörbi, nimmt von rechts de Quebrada del Cacao op un löppt denn dör dat Dörp Nombre de Jesús, von dat he sien Naam hett. Dat is ok de Steed, an de de Río Nombre de Jesús ut de Bargen rutkummt un in dat Daal von’n Río Aguán (Valle del Aguán) kummt. Güntsied von’n Oort Coyoles Central münnt de Stroom toletzt in’n Río Aguán.