Río Yaguala
| Río Yaguala | ||
|---|---|---|
| Laag | Honduras | |
| ||
| Stroomsystem | Río Aguán | |
| Läng | 93 km | |
| Born | bi Yocón ut Río Terrero un Río Yocón | |
| Koordinaten Born: | 14° 59′ N, 86° 43′ W | |
| Münn | bi El Carril in’n Río Aguán | |
| Koordinaten Münn: | Koordinaten:15° 25′ N, 86° 42′ W15° 25′ N, 86° 42′ W | |
| linke Blangenströöm | Río Chiquito, Quebrada de California, Río Alao, Río de Pueblo Viejo | |
| rechte Blangenströöm | Río El Demajao, Quebrada Grande | |
De Río Yaguala is en üm un bi 93 Kilometer langen Stroom in de Departamentos Olancho un Yoro von Honduras, de von rechts in’n Río Aguán münnt.
De Stroom billt sik in dat Departamento Yoro bi’n Oort Yocón ut Río Terrero un Río Yocón. De Río Terrero kummt ut Noordoosten von La Unión her un de Río Yocón ut Süüdoosten. Kort later münnt von links de Río Chiquito. In düssen eersten Afsnidd warrt de Stroom Río Mangulile nöömt, na’n Oort Mangulile, an den he na knapp 20 Kilometer vörbikummt. Aver ok de Naam Río Grande is begäng.
De Río Mangulile flütt na Noordwesten bet an de Steed, an de von links de Quebrada de California münnt. Dor wennt de Stroom sik na Noordoosten un billt nu för knapp 40 Kilometer de Grenz von dat Departamento Olancho na dat Departamento Yoro. Von links münnt de Río Alao. An düsse Steed geiht de Straat V-617 mit en Brügg över’n Stroom. Twee Kilometer in’n Noorden von dat Dörp Julián un een Kilometer in’n Süüdoosten von dat Dörp El Cacao münnt von rechts de Río El Demajao. In’n Noorden von dat Dörp Tapiquil (Municipio Jocón) münnt von links de Río de Pueblo Viejo. 24 Kilometer vör de Münn an de Münn von de Quebrada Grande (von rechts) verlett de Stroom de Grenz twüschen de Departamentos un flütt dör dat Departamento Yoro. He flütt dör Teguajal un triddt hier in dat siede Daal von’n Río Aguán (Valle del Aguán) in. Toletzt münnt he fiev Kilometer in’n Süüdwesten von El Carril in’n Río Aguán.