Río Lindo (Río Ulúa)
| Río Lindo | ||
|---|---|---|
| Laag | Cortés, Honduras | |
| ||
| Stroomsystem | Río Ulúa | |
| Läng | 60 km | |
| Born | in de Montaña de Santa Bárbara | |
| Münn | bi Potrerillos in’n Río Ulúa | |
| Koordinaten Münn: | Koordinaten:15° 15′ N, 87° 56′ W15° 15′ N, 87° 56′ W | |
 | ||
De Río Lindo (ok Río Blanco nöömt) is en good 60 Kilometer langen Stroom in dat Departamento Cortés, Honduras, de von rechts in’n Río Ulúa münnt.
De Born liggt in de Montaña de Santa Bárbara un dat Municipio San Francisco de Yojoa. Von dor flütt he na Noordoosten. An’n Stroom sünd hier in de Johren 1960 un 1970 von Empresa Nacional de Energía Eléctrica de Waterkraftwarken Cañaveral un Río Lindo anleggt worrn, de Water ut’n Yojoa-See nütt. De Río Lindo flütt an de Öörd San Buenaventura un Río Lindo langs. Achter’n Oort Río Lindo billt de Stroom gliektiedig de Grenz twüschen de Municipios San Antonio de Cortés un Potrerillos op dat linke Över un Santa Cruz de Yojoa op dat rechte Över. Dor geiht denn ok de Straat CA-5 mit en Brügg över’n Stroom.
Toloetzt münnt de Río Lindo bi de Potrerillos in’n Río Ulúa, de sülvs later in de Karibische See flütt. Dicht bi de Münn liggt ok de Münn von’n Río Comayagua.
Weblenken
[ännern | Bornkood ännern]
Río Lindo (Río Ulúa). Mehr Biller, Videos oder Audiodateien to’t Thema gifft dat bi Wikimedia Commons.