Río La Horca
| Río La Horca | |
|---|---|
| Laag | Nueva Segovia, Nicaragua |
| Stroomsystem | Río Coco |
| Läng | 20 km |
| Afströömrebeed | 76 km² |
| Born | in de Cordillera Dipilto Jalapa |
| Münn | bi Germán Pomares in’n Río El Jícaro |
| rechte Blangenströöm | Quebrada La Puerta |
De Río La Horca is en 20 Kilometer langen Beek in dat Municipio San Fernando, Departamento Nueva Segovia, Nicaragua, de von rechts in’n Río El Jícaro münnt.
De Born liggt dicht bi de Grenz twüschen Honduras un Nicaragua in de Cordillera Dipilto Jalapa. Düt Rebeed is schuult as Reserva Natural Cordillera de Dipilto y Jalapa. Von dor flütt de Río La Horca na Süüdoosten bet he sik kort vör Germán Pomares na Noordoosten dreiht un von rechts de Quebrada La Puerta opnimmt. Hier geiht ok de Straat NIC-29 mit en Brügg över’n Beek. In’n Noordoosten von Germán Pomares münnt de Río La Horca in’n Río El Jícaro. Dat Water flütt denn wieder in’n Río Coco un in de Karibische See.
Koordinaten:13° 47′ N, 86° 12′ W