Río El Jícaro (Río Coco)
| Río El Jícaro | ||
|---|---|---|
| Laag | Nicaragua | |
| ||
| Stroomsystem | Río Coco | |
| Läng | 97 km | |
| Afströömrebeed | 1.206 km² | |
| Born | billt sik ut Río Musulí un Río Solonlí | |
| Münn | bi Panalí in’n Río Coco | |
| Koordinaten Münn: | Koordinaten:13° 31′ N, 86° 0′ W13° 31′ N, 86° 0′ W | |
| linke Blangenströöm | Río Sucio, Río Murra | |
| rechte Blangenströöm | Río La Horca, Río Susucayán | |
De Río El Jícaro oder blots Río Jícaro is en 97 Kilometer langen Stroom in dat Departamento Nueva Segovia, Nicaragua, de von links in’n Río Coco münnt.
De Stroom billt sik in dat Municipio El Jícaro bi Musulí (an de Grenz na de Municipios Jalapa un San Fernando) ut de beiden Strööm Río Musulí un Río Solonlí. De beiden Strööm spiest sik ut de Cordillera Dipilto Jalapa. De Río Jícaro flütt von dor na Süüdoosten un nimmt von rechts den Río La Horca op. Bi’n Oort El Jícaro münnt von links de Río Sucio.
Von rechts nimmt he den Río Susucayán op, triddt in dat Municipio Quilalí över un nimmt denn bi Los Planes de Súngano von links den Río Murra op. Dor dreiht he op en Süüdkurs, flütt vörbi an’n Oort Quilalí (dor geiht de NIC-51 mit en Brügg över’n Stroom) un münnt toletzt bi Panalí in’n Río Coco. Dat Water flütt denn wieder in de Karibische See.