Río Jalán (Río Papaloteca)
| Río Jalán | ||
|---|---|---|
| Laag | Atlántida, Honduras | |
| ||
| Stroomsystem | Río Papaloteca | |
| Läng | 19 km | |
| Born | in de Montaña La Danta | |
| Koordinaten Born: | 15° 35′ N, 86° 31′ W | |
| Münn | bi Jalán in’n Río Papaloteca | |
| Koordinaten Münn: | Koordinaten:15° 42′ N, 86° 29′ W15° 42′ N, 86° 29′ W | |
| linke Blangenströöm | Quebrada Buena Vista, Río Tomalá | |
| rechte Blangenströöm | Quebrada La Danta, Quebrada Tilunga | |
De Río Jalán is en üm un bi 19 Kilometer langen Beek in dat Municipio Jutiapa, Departamento Atlántida, Honduras, de von links in’n Río Papaloteca münnt.
De Born liggt an’n Süüdwestrand von de Montaña La Danta (de Topp is 1.475 m över de See, de Born en beten sieder) in de Cordillera Nombre de Dios an de Grenz to dat Municipio Olanchito, Departamento Yoro, de ok de Waterscheed to’n Río Uchapa (Süüdwesten) un Río Uguca (Süüdoosten) is. Von hier flütt de Beek na Noordoosten. Na söven Kilometer hett he al 1000 Högenmeter överwunnen un kummt denn in sieder Land. Dor nimmt he bi Berlín von rechts de Quebrada La Danta op un von links de Quebrada Buena Vista. Noch en Stück wieder bi Jalán löppt de CA-13 mit en Brügg över’n Río Jalán. Dor nimmt de Beek ok von links den Río Tomalá op un denn von rechts de Quebrada Tilunga. Nich wiet achter Jalán flütt de Beek mit’n Río Zambunango tohoop to’n Río Papaloteca. De Papaloteca münnt later in de Karibische See.