Río Cuyamel (Río Motagua)
| Río Cuyamel | ||
|---|---|---|
| Laag | Cortés, Honduras | |
| ||
| Stroomsystem | Río Motagua | |
| Läng | 40 km | |
| Born | in de Sierra del Omoa | |
| Münn | in’n Río Motagua | |
| Koordinaten Münn: | Koordinaten:15° 42′ N, 88° 14′ W15° 42′ N, 88° 14′ W | |
| linke Blangenströöm | Río Chiquito | |
 | ||
De Río Cuyamel is en good 40 Kilometer langen Stroom in dat Departamento Cortés, Honduras, de von rechts in’n Río Motagua münnt.
De Born liggt in de Sierra del Omoa blots en poor Kilometer in’n Westen von San Pedro Sula. Dat höört to dat Muncipio San Pedro Sula. Dor nimmt he ok dat Water von de Noordoost-Häng von’n Cerro Jilinco op. Von dor flütt de Stroom na Noordwesten un flütt för 30 Kilometer dör de Dalen von de Sierra. Nu in dat Municipio Omoa triddt he bi dat Dörp Cuyamel ut de Bargen rut. Dor geiht ok de CA-13 mit en Brügg över em röver. Hier in’t siede Land is de Stroom bet över hunnert Meter breed un billt wiede Kiesbedden. En poor Kilometer achter Cuyamel warrt he denn aver jümmer smaller un is toletzt blots noch so bi teihn Meter breed. Hier in dat sumpige Daal von’n Río Motagua drippt he op’n Río Chiquito, de von links in’n Río Cuyamel münnt. Dat Water ut de beiden Strööm flütt denn in’n rechten Arm von’n Río Motagua, de later in de Bahía de Omoa ennt, wat en Bucht von de Karibische See is.
Dat Rebeed is deelwies as Natschonaalpark Cuyamel Omoa schuult.
De US-amerikaansche Ünnernehmer Sam Zemurray harr siene eersten Bananen-Plantaaschen an’n Río Cuyamel un hett dorüm sien Ünnernehmen Cuyamel Fruit Company nöömt.
Weblenken
[ännern | Bornkood ännern]
Río Cuyamel (Río Motagua). Mehr Biller, Videos oder Audiodateien to’t Thema gifft dat bi Wikimedia Commons.