Premonition
| Filmdaten | |
|---|---|
| Plattdüütsch Titel: | — |
| Originaltitel: | Premonition |
| Düütsch Titel: | Die Vorahnung |
| Produkschoonsland: | USA |
| Johr vun’t Rutkamen: | 2007 |
| Läng: | 94 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Mennan Yapo |
| Dreihbook: | Bill Kelly |
| Produkschoon: | Ashok Amritraj, Jennifer Gibgot, Nick Hamson, John Jashni, Sunil Perkash, Adam Shankman, Andrew Sugerman, Lars Sylvest |
| Musik: | Klaus Badelt |
| Kamera: | Torsten Lippstock |
| Snitt: | Neil Travis |
| Dorstellers | |
| |
Premonition (op Platt so veel as „Vörahnen“; dt. Titel: Die Vorahnung) is de Titel vun en US-amerikaansch Filmdrama mit mystische Elementen ut dat Johr 2007 mit den düütsch-törkschen Speelbaas Mennan Yapo.
Inholt
[ännern | Bornkood ännern]Linda leevt tosamen mit ehrn Ehmann un jemehr twee Döchter. Een Dag warrt ehr vun en Polizisten an de Döör vertellt, dat ehr Mann bi en Autounfall doodbleven is. Ehr Mudder kummt na ehr hen, üm ehr in de swore Tiet to ünnerstütten.
As Linda an’n nächsten Dag waak warrt, stellt se fast, dat se dat Schehn blots en slechten Droom weer: Op den Klenner steiht de Vördag vun den Unfall. Man, vun nu an beleevt Linda, wenn se morgens opwaakt, afwesseln jümmer een Dag in ehr Leven vör den (vörsehn?) Dood vun ehrn Mann un een Dag dorna. Dat is meist so, as wenn se in twee verscheden Welten leven de, wat aver blots se sülvst markt, nich aver de Minschen, de üm ehr rüm leevt. In dissen Wessel vun „he is dood“ un „he leevt“ maakt se en hele Week dör, in de ehrn Verloop se begrippt, wo wiet se sik in jemehrn Alldag al untenanner leevt hebbt. An een Dag, wo Jim dood is, kriggt se to’n Bispeel rut, dat he en Affär hatt hett mit de Arbeitskollegsche Claire. Man wiel se all de Daag dörleven mutt söcht se na Henwiesen, op dat, wat passeert un sett allens doran, de Eh mit Jim wedder in Ornen to bringen un de verloren Harmonie in de Familie wedder torüchtobringen. Se hett de Hapen noch nich opgeven de Eh un ehrn Mann reden to künnen.
Gegen Enn vun’n Film waakt Linda opletzt nipp un nau an’n Dag vun’n Unfall op. Se söcht na ehr Familie, finnt aver blots en Zedel, dat Jim de Kinner al na School bröcht hett. Se maakt sik gau op’n Weg, üm em bi de School noch intohollen, kriggt em aver nich mehr tofaat. Man, se weet vun den Polizist, an wovun Steed op’n Highway de Unfall passeeren schall un föhrt dorhen: Miel 220.
To de Tiet is Jim ok noch op de Straat ünnerwegens mit sien Auto, en goot Stück för Linda. He telefoneert mit Claire, üm ehr to verkloren, dat he sien Familie to geern hett, as dat he tatsächlich wat mit ehr anfangen künn. He begrippt, dat he Linda leev hett un de Affär för em keen Bedüden mehr hett. Na dat Telefonat mit Claire, kummt Linda endlich bi em an’t Telefon dör. Jim hollt op’n Sietenstriepen an – jüst bi Miel 220. Linda warrt klor, dat Jim jüst an dissen Dag an jüst de Steed woneem he steiht en Unfall mit en Truck passeert, wobi Jim ümkummt, un verklort em dorüm mit Nadruck, dat he sien Auto wennen schall. Bi dat Manöver neiht he blots knapp an en anner’t Auto op de Gegenfohrbahn vörbi un blifft dwars op de Straat stahn. Sien Mobiltelefon fallt em rünner, un wiel he sik dorna bücken deit, duukt achter em op de Straat en Benzinlastwagen op, de bi den Versök den Auto uttowieken in’t Sleudern kummt. De Wagen vun Jim springt nich an un Linda mutt tokieken, woans Jims Auto vun den Truck rammt warrt un denn explodeert.
In de letzten Szeen is Linda mit dat drüdde Kind vun Jim swanger.
Achtergrund
[ännern | Bornkood ännern]Dreiht worrn is de Film in Louisiana.[1] In de Kinos in de USA un in Grootbritannien is he an’n 16. März 2007 anlopen.[2] De Produkschoonskosten weern mit 20 MIllionen US-Dollar ansett. Inspeelt hett de Film allen in de USA ruchweg 80 Millionen Dollar. Alleen an’t Startwekenenn hett de Film al 18 Millionen US-Dollar inspeelt, wat de finanziell spoodriekste Kinostart vun en Snadra-Bullock-Film is.[3]
An den Film sünd eenige Saken kritiseert worrn, wat den Verloop vun de Geschicht angeiht. So to’n Bispeel de Snittwunnen vun Lindas Dochter, de ut Versehn in en Glasdöör lopen is. Dat passeert, vördem Jim den Unfall hett, man to Anfang an’n eersten Dag sütt man ehr noch ahn Sehren, ofschoonst se de Wunnen to de Tiet al hatt hebben mutt. Na den Plan, den Linda in’n Film vun de Tiet opstellt is dat en Fehler in’t Vöranschreden vun de Tiet.
Kritiken
[ännern | Bornkood ännern]James Berardinelli hett top ReelViews schreven, de Film weer „von Inkonsistenzen geplagt“. En wieteren Swackpunkt is de „Passivität“ vun de Figur Linda Hanson. Dat Enn is „ineffizient“ un maak mehr Fragen, as he beantwoort harr.[4]
Dennis Harvey schreev in de Tietschrift Variety vun’n 11. März 2007, der Film „dufte“ stark nach solchen Filmen wie The Sixth Sense und Memento. Sandra Bullock sei lediglich imstande, die charakterlichen Grundzüge von Linda Hanson darzustellen.[5]
Utteken
[ännern | Bornkood ännern]Premonition hett keen Filmpries wunnen, weer 2008 aver för twee Utteken nomineert, neemlich de Film sülvst as An’n leevsten sehn Speelfilmdrama för den People’s Choice Award. Un bito weer de lütte Courtney Taylor Burness för de Beste Dorstellen vun en junge Nevendorstellersche för den Young Artist Award vörslahn.
Borns
[ännern | Bornkood ännern]- ↑ Filming locations för Premonition
- ↑ Premierendaten för Premonition
- ↑ Spiegel Online: Zwei "Fuck", acht "Shit" und ein paar Dutzend Nippel vun Mennan Yaps, 04. Oktober 2007
- ↑ Kritik vun James Berardinelli
- ↑ Kritik von Dennis Harvey