Pentan

Egenschoppen in’n Vergliek
Naam	n-Pentan	Isopentan	Neopentan
Annere Naams		2-Methylbutan	2,2-Dimethylpropan
Strukturformel
CAS-Tall	109-66-0	78-78-4	463-82-1
Summenformel	C5H12
Molare Masse	72,15 g·mol−1
Kortbeschrieven	Fletigkeiten ahn Klöör		Gas ahn Klöör
Smöltpunkt	−130 °C	−160 °C	−16,6 °C
Kaakpunkt	36 °C	28 °C	9,5 °C
Dampdruck (20 °C)	562 mbar	761 mbar	1456 mbar
Dicht	0,63 g·cm−3	0,62 g·cm−3	0,586 g·cm−3
Löslichkeit	40 mg·l−1	48 mg·l−1	33 mg·l−1
Flammpunkt	−49 °C	<−51 °C
Ünnere Explosionsgrenz (UEG)	1,4 Vol%	1,3 Vol%	1,3 Vol%
	41 g·m−3	38 g·m−3	40 g·m−3
Bövere Explosionsgrenz (OEG)	7,8 Vol%	7,6 Vol%	7,5 Vol%
	235 g·m−3	230 g·m−3	230 g·m−3
Tünnertemperatur	260 °C	420 °C	450 °C

Pentanen sünd en Stoffgrupp binnen de Grupp vun de Alkanen, de dör de Summenformel C₅H₁₂ kenntekent sünd. Vun dissen Alkan-Ünnergrupp gifft dat nipp un nau dree Konstitutschoonsisomeren, de as n-Pentan, Isopentan un Neopentan betekent warrt.

Physikaalsche Egenschoppen

De beiden eersten Vertreders, n-Pentan un Isopentan, sünd Fletigkeiten mit en siete Kaakpunkten un ok mit bannig siete Smöltpunkten. Dorgegen is Neopentan bi Ruumtemperatur gasförmig. De Egenschoppen, de dat Neopentan opwiesen deit, sünd düütlich anners as bi de annern beiden Isomeren. Dat wiest sik in den düütlich högeren Smöltpunkt un den sieteren Kaakpunkt, as ok an den högeren Dampdruck.

Dampdruckfunkschonen vun de Pentanen

Bruuk

Pentanen höört to de primären Blaasgasen bi de Produkschoon vun Polystyrolschuum un annere Schüüm. Dorför warrt tomeist en Mischen ut n- un i-Pentanen bruukt, jümmer mehr warrt ok Cyclopentan tosett, de aver to en annere Stoffgrupp höört. Pentanen warrt aver ok in Küllmiddelmischen bruukt oder as Arbeitsmiddel in geotheermsch Energieanlagen, vunwegen de sieten Kaakpunkten un de relativ go’e Sekerheit.

Bito sünd Pentanen kostengünstig. Dat is ok en Grund för den Insatz vun Pentanen in’t Labor, woneem se – as de flüchtigsten fletigen Alkanen – geern as Löösmiddels insett warrt, de licht to verdampen gaht. Man, se künnt blots nich-polare Stoffen lösen, vunwegen dat se keen funkschonelle Grupp hebbt un sülvst ok nich polar sünd. Pentanen künnt mit annere nich-polaren Löösmiddels as Ethers, Aromaten oder chlororgaansche Verbinnen. Faken warrt se ok in de Chromatografie insett.