Niemöhlen-Dierksdörp

Vun Wikipedia
Wapen/Flagg Koort
hett keen Wapen
Neumühlen-Dietrichsdorf
Laag vun Neumühlen-Dietrichsdorf in Düütschland
Basisdaten
Inheemsch Naam: Neumühlen-Dietrichsdorf (dt.), Niemöhlen-Dierksdörp (nd.)
Bundsland: Sleswig-Holsteen
Gemeen: Kiel
Flach: 4,34 km²
Inwahners: 12.005 (31. Dezember 2014)
Inwahnerdicht: 2.766,1 Inwahners pro km²
Postleettall: 24149
Vörwahl: +49 431
Geograafsche Laag:
Koordinaten:54° 20′ N, 10° 11′ O
54° 20′ N, 10° 11′ O
Grenzen bi OSM: 969718 969718
Koort
Koort

Niemöhlen-Dierksdörp (dt. Neumühlen-Dietrichsdorf) is en Stadtdeel vun Kiel. He grenzt an de Gemenen Mömbarg in’n Noorden, an Schönkarken in’n Oosten, an Schwentinendaal-Klaasdörp in’n Süüd-Oosten, an den Stadtdeel Wellingdörp in’n Süden un an de Kieler Föörd in’n Westen. En Fähr verbindt Niemöhlen-Dierksdörp mit Kiel-Düsternbrook, wat jüst op de anner Siet liggt. To den Stadtdeel höört ok de Exklave Oppendörp, de en Verbinnen mit den Stadtdeel Wellingdörp hett, man bi den vun Niemöhlen-Dierksdörp blots över Schönkarken bitokamen is[1].

Historie[ännern | Bornkood ännern]

Niemöhlen an de Schwentine 1805.

De Inwahnerschen un Inwahners vun Niemöhlen leven vun de Watermöhlen an de Schwentine. In Dierksdörp geevt dat mehr Landwertschop.

1871 leven üm un bi 700 Lüüd in de Stadtdeel, man dat änner sik mit Georg Howaldt un sien Schippwarft. 1876 bo he de „Kieler Schippwarft“ un den Oortsdeel Nie-Dierksdörp direktemang vör de Warftdöörn. So kunnen de Arbeiders dichtebi wahnen. 1900 leven dor al 3 000 Lüüd.

1924 wöör Niemöhlen-Dierksdörp Kieler Stadtdeel.


Firmen[ännern | Bornkood ännern]

Blangen HDW kemen noch anner Firmen na Niemöhlen-Dierksdörp. Anschütz weer dor 1905 grünnen, en Ünnernehmen dat den Küselkompass erfunn. In den olen Bo findt en vundaag en Klinik gegen psychisch Pien (Schmerzklinik Kiel). 1947 siedel Rudolf Hell sien Bedreev in Kommunikatschoons- un Reprodukschoonstechnik in Niemöhlen-Dierksdörp an. De Bo warrt nu vun de Fachhoochschool bruukt. De Rullstohlmaker Ortopedia harr sien Wark in den Stadtdeel, bet de MEYRA Wilhelm Meyer GmbH & CO. KG dat opköff un de Produkschoon wegbroch.

Siedeln Oppendörp[ännern | Bornkood ännern]

De Siedeln Oppendörp höört to’n Stadtdeel Niemöhlen-Dierksdörp, liekers se nich verbunnen sünd. Dor leevt bummelig 1 700 Lüüd. De Siedeln grenzt an Schönkarken un dat is nich licht to seggen, neem de Grenz löppt, wiel de beden Rebeden tosamenwussen sünd. Oppendörp wöör in de Twintigerjohren vun’t 20. Johrhunnert för Lüüd gründt, de knappemang wat verdenen.

Verkehr[ännern | Bornkood ännern]

En wichtig Verbinnen för Niemöhlen-Dierksdörp un för dat hele Oostöver is de Oostring (B 502). He bringt de Lüüd to anner wichtigen Straten so as den Konrad-Adenauer-Damm (B 76), de na Oosten na Kiel-Mitte, Eckernföör un to de A 210/A 215 föhrt, na Süden to de Ne’e Hamborger Straat (B 404) na Sibbarg un na Westen na Plön un Lübeck.

Vun Oppendörp gifft dat buten en Brüch för Footgängerschen un Footgängers keen Verbinnen to’n Stadtdeel Wellingdörp de jüst in’n Süden vun Oppendörp is. De Siedeln hett en Holepunkt an de Iesenbahn Hein Schöbarg. 2017 wöör de Bahnhoff nee maakt. De Töög schallt all Stunn kamen[2][3]. In’n Rahmen vun’t Projekt StadtRegionalBahn Kiel schull en Linie vun Niemöhlen-Dierksdörp bet na Eckernföör löpen, man as dat Projekt nu op Ies leggen warrn is, wull de Stadt sik nu op de Bahntrasse na Schönbarg konzentreren[4][5].

Bekannte Oorten[ännern | Bornkood ännern]

  • Fachhoochschool Kiel
  • Mediendom vun de FH Kiel
  • Blickbregenmuseum vun de FH Kiel
  • Industriemuseum Howadtsche Metallgeteree
  • Dierksdörper Strand

Weblenken[ännern | Bornkood ännern]

Enkelt Nahwiesen[ännern | Bornkood ännern]

  1. Landshööftstadt Kiel (2017) interaktive Koort (dt.)
  2. Rebehn, V. (2017): Oppendörp is nu wedder ansloten. in: Kieler Nachrichten. Kiel. (dt.).
  3. Haas, D. (2017): En Bahnhoff to’n Tonen gifft dat nu in Oppendörp. in: Förde Kurier. Schönkarken. (dt.).
  4. Böverbörgermeester Stadt Kiel (2015): Opgaven för de Tokunft för en nahooltig Nah- un Regionalverkehr in Kiel. Kiel. (dt.).
  5. Düütsche Pressagentur (2015): Kiel: Sluss för de Stadtregionalbahn – nu Stratenbahn?. in: Schleswig-Holsteinische Zeitung. Flensborg. (dt.).