Damperhoff

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Basisdaten
Inheemsch Naam: Damperhof (dt.), Damperhoff (nd.)
Bundsland: Sleswig-Holsteen
Gemeen: Kiel
Flach: 0,458 km²
Inwahners: 3.319 (31. Dezember 2014)
Inwahnerdicht: 7.246,7 Inwahners pro km²
Postleettall: 24103
Vörwahl: +49 431
Geograafsche Laag:
Koordinaten:54° 20′ N, 10° 8′ O
54° 20′ N, 10° 8′ O

Damperhoff (dt. Damperhof) is en Stadtdeel vun Kiel. He grenzt an de Stadtdelen Brunswik in’n Noorden, Düsternbrook in’n Oosten Ooltstadt in’n Süüd-Westen, Vörstadt in’n Süden, Exerzeerplatz in’n Süüd-Westen un Schrevendiek in’n Westen[1].

Historie[ännern | Bornkood ännern]

Damperhoff – in’n Westen vun den Brunswik un in’n Noorden vun Kiel un den Lütten Kiel.

Ehr de Oort to de Stadt Kiel tohöört, weer dat wohrhaftig en Hoff. De Plaats vun’n Damperhoff stunn an de Eck Lütte-KuhbargWaisenhoffstraat. Dat Goot kreeg sien Naam vun sien Eegnersch Margarethe Hedwig vun Ahlefeld op Damp un Oehe. Se kööp den Hoff un dat Land 1697 un nööm dat na ehr Stammgood Damp. Danaa un bet 1769 besitt de Beamte un Vizekanzler vun Holsteen-Gottorp Friedrich Gabriel Muhlius. Dör sien Testament grünn he en Huus vör Göören ahn Öllern[2].

In’t 19. Johrhunnert kreeg Kiel dat Land vun Damperhoff un grünn dor sülvst Rebeden vör Wahnen. De Plan wull Straten in’n rechten Winkel. So löppt de Bargstraat un de Legienstraat dwars to de anner Straten vun’t Viddel. De Delen vun den olen Damperhoff güntsiets vun Fleethörn un Raathuusstraat höört vundaag to Kiel-Exerzeerplatz.

Bekannte Oorten[ännern | Bornkood ännern]

Klaus-Groth-Soot
  • Lütte Kiel mit dat Denkmal för Klaus Groth
  • Hiroshimapark – en Park to dat Denken an de Opper dör de Atombomb
  • Muthesius Kunsthoochschool

Weblenken[ännern | Bornkood ännern]

Enkelt Nahwiesen[ännern | Bornkood ännern]

  1. Landshööftstadt Kiel (2017) interaktive Koort (dt.)
  2. Stoy, V. (2003): Kiel auf dem Weg zur Großstadt. Die städtebauliche Entwicklung bis zum Ende des 19. Jahrhunderts. Kiel : 94. ISBN: 978-3-933598-28-8