Neosassismus
En Neosassismus is en Begreep för Wöör, de in't Plattdüütsche nee billt warrt. Dat passeert meerstendeels denn, wenn dat Plattdüütsche sülvst keen egen Woord för en Saakverhoold levert or wenn en keen Anglizismus or en düütsch Woord övernehmen will.
Sodennig Wöör sünd ook faken Utdruck för Kreativitäät in een Spraak. De meersten Neosassismen hebbt bloot Ingang in de Ümgangsspraak funnen, man warrt bitieden ook in hogere Registers bruukt. Wieldat vele Wöör vun een oder bloots en paar Snackers ruutfunnen worrn sünd, hebbt vele vun jem keen grote Verbreden funnen un sünd op en bestimmten, sotschalen Kreis beschränkt. Ook sünd vele vun düsse Wöör bloots humoristsch optofaten un sünd mehr uut Spaaß opstellt worrn as uut dat Bedörvnis na en seriöös Synonyym.
Middewiel gifft dat en teemlich ambivalent Bild in de Snackerschopp över düsse Wöör. De een seggt, dat schaadt dat Image vun Platt, wieldat de Spraak op en reinweg humoristsche Ebene reduzeert wöör. De Bang besteit bi düüse Lüüd, dat een Platt bloots mit düsse Wöör in Verband bringen dee un keen Indruck vun Seriösitäät oder Düchtigkeid för foormellere Ümstann in den Spraakbruuk mööglich maken dee. Anner Lüüd beweert, dat sodännige Wöör en Uutdruck vun Kreativitäät sünd un en för de Beleevtheid vun de Spraak stünnen. Platt wöör daarmit stüttig en Spraakuutbo opwiesen un Lüüd köönt sik aktiev inbringen un sik beter mit de Spraak identifizeren.
Bispellen
[ännern | Bornkood ännern]Hier finnst du en alfabeetsche Liest vun Neosassismen. För en Begreep gifft dat faken vele verschillene Begrepen, welke sünd ook vun Dialekt na Dialekt verschillen. Düsse Liest warrt över de Tied verwiedert.