Breefdräger

Breefdräger (m., pl. Breefdrägers) nömt’n de Lüüd, de bi de Post, un hüttodags ok bi anner Ünnernehmen, de Breev un so wieder an de Huusholten oder an de Lüüd, an de de Breef richt is, utlevert. To de Breef kümmt denn ok noch Zeitung, Reklaam un so wieder.

Neben den Breefdräger gifft dat noch den Pakeetdräger, de mennigmol sien Tour besünners geiht. Jenadem wie dicht de Lüüd wahnt, de Hüüs staht, op in’n Dörp oder in’ne Stadt, verricht de Breefdräger siene Arbeet to Foot, op’n Rad, oder mit’n Auto.

In fröhere Tieden weer de Breefdräger ’n Beamten bi de Düütsch Bundspost, hüttodags sünd se anstellt bi de Post, DHL oder sünstig Tostellünnernehmen.

Weblenke

Mail carriers. Mehr Biller, Videos oder Audiodateien to’t Thema gifft dat bi Wikimedia Commons.