Ned Beatty

Vun Wikipedia
Zur Navigation springen Zur Suche springen
Beatty, 2006

Ned Thomas Beatty (* 6. Juli 1937 in Louisville, Kentucky) is en US-amerikaanschen Schauspeler, de an mehr as 200 Filmen mitarbeit hett. Bekannt worrn is he vör allen dör sien Rull in den Film Superman vun 1978 un as Opper Bobby Trippe in sien Debütfilm Deliverance vun 1972.

Leven un Wark[ännern | Bornkood ännern]

Beatty is de Söhn vun Margaret Fortney Beatty, borene Lennis, un Charles William Beatty. He hett en Süster, Mary Margaret Beatty Gwinner. Beatty is religiös optogen worrn un füng al mit teihn Johren an, in’n Gospelchor un in’n Karkenchor to singen. Dormit hett he Geld dorto verdeent, för den Ünnerholt vun de Familie. Mit 19 Johren harr he sien eersten Optritt an’t Theater mit dat Stück Wilderness Road.

An de Transylvania Universität in Lexington, Kentucky, hett Beatty Musik studeert, wat he aver nich toenn bröcht hett. Later is he an’t Clarksville Little Theater un an’t Actors Theater in Louisville optreden. Sien beropensten Optritt harr he 1966 an’n Broadway in Arthur Miller sien Death of a Salesman. Dor hett em ok John Boorman sehn un em för sien Film Deliverance winnen künnt[1]. Dormit füng Beatty sien Loopbahn as Filmschauspeler an. Bi de Dreiharbeiten hett he de Schauspelersche Belinda Rowley drapen, de later sien Fro worrn is.

Bi de Tokiekers is Beatty geern sehn. Dör sien Utsehn is he butendem licht weddertokennen. In de meisten Filmen hett he Nevenrullen speelt. Faken speel he en dicken, Polizist, de sweten deit, oder Verbeker, de nich to bereken is. In de Filmsatire Network speel he 1976 den Sennenbaas vun en Feernsehsenner, an den de Hööftfigur in de Live-Sennen sien Woot utlaten deit. Teihn Johren later weer he in The Big Easy de Anföhrer vun en Koppel vun korrupte Polizisten. Mol wat anner’t hett he 1991 in den Film Hear My Song speelt, in den he Josef Locke dorstellt hett.

Sien eerste Fru weer Walta Addott, vun de he sik scheden laten hett. 1971 hett he denn Belinda Rowley heiraat. In drüdde Eh hett he 1979 Dorothy „Tinker“ Adams Lindsay heiraat, vun de he sik 1998 scheden laten hett. Siet November 1999 is he mit Sandra Johnsen berheiraat. Ut sien eersten dree Ehn hett he acht Kinner[2]. He is aver nich verwandt mit den Schauspeler Warren Beatty.

Beatty harr mit en manisch-depressiven Krankheit to doon, de aver heelt worrn is. Liekers hett he jümmer wedder depressive Anfäll[3]. In’t Johr 2006 hett he wedder afungen to singen un ok en CD mit den Titel In the Beginning Was the Word opnahmen[4][5].

Filmografie (Utwahl)[ännern | Bornkood ännern]

Johr Titel Synchroonsnacker
1972 Deliverance
dt.: Beim Sterben ist jeder der Erste
Rainer Basedow
1973 The Thief Who Came to Dinner
dt.: Webster ist nicht zu fassen
Hans-Dieter Zeidler
1973 The Last American Hero
dt.: Der letzte Held Amerikas
Klaus Sonnenschein
1973 White Lightning
dt.: Der Tiger hetzt die Meute
Benno Sterzenbach
1975 W.W. and the Dixie Dancekings
dt.: Ein Supertyp haut auf die Pauke
Gerd Duwner
1975 Nashville Gerd Duwner
1976 All the President’s Men
dt.: Die Unbestechlichen
Heinz-Theo Branding
1976 Network Gerd Duwner
1976 Silver Streak
dt.: Trans-Amerika-Express
Wolfgang Völz
1977-78 Szysznyk, Feernsehreeg  
1978 Gray Lady Down
dt.: U-Boot in Not
Gerd Duwner
1978 Superman Gerd Duwner (1. Synchro)
Lutz Mackensy (DC)
1979 Promises in the Dark
dt.: Wenn das Schicksal es will
 
1979 1941
dt.: 1941 – Wo bitte geht’s nach Hollywood
 
1980 The American Success Company
dt.: Der Ringer
 
1980 Hopscotch
dt.: Agentenpoker
Hans Sievers (VHS, 1985)
Gerd Duwner (TV, 1989)
1980 Superman II
dt.: Superman II – Allein gegen alle
Gerd Duwner
1987 The Big Easy
dt.: The Big Easy – Der große Leichtsinn
Gerd Duwner
1987 The Fourth Protocol
dt.: Das vierte Protokoll
 
1988 Switching Channels
dt.: Eine Frau steht ihren Mann
Gerd Duwner
1988 Midnight Crossing Gernot Duda
1989 Physical Evidence
dt.: Die Anwältin
Gerd Duwner
1989 Chattahochee Gerd Duwner
1990 Big Bad John  
1990 Repossessed
dt.: Von allen Geistern besessen
Gerd Duwner
1990 Captain America Gerd Duwner
1991 Hear My Song
dt.: Hear My Song – Ein Traum wird wahr
Gerd Duwner
1992 Blind Vision
dt.: Blind Vision – Tödliche Leidenschaft
Alexander Herzog
1992 Prelude to a Kiss
dt.: Bodyswitch – Verhexte Küsse
Gerd Duwner
1993 Ed and His Dead Mother
dt.: Hol’ die Mama aus dem Sarg
Gerd Duwner
1995 Just Cause
dt.: Im Sumpf des Verbrechens
Michael Habeck
1993-95 Homicide, Feernsehreeg Eberhard Mellies
1999 Cookie’s Fortune
dt.: Aufruhr in Holly Springs
Norbert Gastell
1999 Spring Forward  
2007 The Walker Hans Teuscher
2009 In the Electric Mist
dt.: In the Electric Mist – Mord in Louisianna
Hans Teuscher
2010 The Killer Inside Me Klaus Sonnenschein
2010 Toy Story 3, Stimm Klaus Sonnenschein
2011 Rango, Stimm Otto Mellies

Utteken[ännern | Bornkood ännern]

Ned Beatty weer för sien Rullen söss mol (Stand Mai 2013) för Filmpriesen vörslahn, dorünner eenmol ok för den Oscar as Best Nevendorsteller in den Film Network: Uttekent weer he aver blots eenmol, neemlich 2006 mit den Master of Cinema vun’t RiverRun International Film Festival.

Literatur[ännern | Bornkood ännern]

  • Kay Weniger: Das große Personenlexikon des Films. Schwarzkopf & Schwarzkopf Verlag Berlin 2001 ISBN 3-89602-340-3

Borns[ännern | Bornkood ännern]

  1. www.allmovie.com
  2. www.filmreference.com
  3. www.nndb.com
  4. Websteed vun Beaty
  5. www.tv-now.com}

Weblenken[ännern | Bornkood ännern]

Commons-logo.svg Ned Beatty. Mehr Biller, Videos oder Audiodateien to’t Thema gifft dat bi Wikimedia Commons.