Mwanza

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Mwanza (Mehrdüdig Begreep).

Mwanza vun’n Viktoriasee ut sehn

Mwanza is en Stadt in Tansania mit 225.244 Inwahners in der eigentlichen Stadt und 436.811, wenn een de Kuntreien dor ümto mitreken deit. (Stand jümmers 1. Januar 2005). Dat is de Hööftstadt vun de Region Mwanza un liggt direkt an’n Viktoriasee. En Wohrteken vun de Stadt sünd de Bismarck-Felsen.

Geografie[ännern | Bornkood ännern]

Mwanza liggt an’t Över vun’n Viktoriasee op 1134 m över de See.

Klima[1] Januar Februar März April Mai Juni Juli August September Oktober November Dezember Johr
Regen in mm 90 139 147 199 90 17 21 26 36 108 169 180 1.222
Ø Temperatur in °C 22,6 22,7 23,1 23,0 22,9 22,1 21,7 22,3 22,8 22,8 22,8 22,5 22,6
Koort vun Tansania mit Mwanza

Geschicht[ännern | Bornkood ännern]

De Stadt liggt ünnerhalv vun en lütt Barg, vun den ut John Hanning Speke 1858 as eersten Europäer den Viktoriasee to sehn kregen hett. De Behörden vun Düütsch-Oostafrika hebbt 1890 en Bezirksnevenstell an de Steed vun de hüdige Stadt inricht un ehr den Naam Muansa geven, wat wohrschienlich vun dat Woord Nyanza ut de Spraak vun de Sukuma kummt un See bedüden deit. Vun 1892 af an hebbt de Kolonialbehöörden denn anfungen de Stadt un den Haven ünnerhalv vun de Boma na Plaan op- un uttoboon. To de Johrhunnertwenn hett de Anbo vun Boomwull an’t Över vun’n See anfungen. In’n Eersten Weltkrieg is de Stadt 1916 vun de Briten innahmen worrn.

Nadem in de Johren 1920 Gold funnen worrn is un de Central Railway vun Tabora 1928 trech worrn is, is de Stadt temlich wussen. Nadem dat Gold toenn gahn is un dat Land in de Johren 1970 sozialistisch wesen is, is dat mit Mwanza un de Region an’n Viktoriasee aver wedder bargdal gahn. In’n Uganda-Tansania-Krieg 1978 hebbt ugandsche Flegers denn dat Stadtzentrum un den Haven bombardeert un veel vun de Stadt is tweigahn. Eerst as se in de Johren 1990 in de Naverregion bi Geita noch wedder Gold funnen hebbt, is dat för de Stadt wedder beter lopen. In’n Börgerkrieg in Ruanda un Burundi is de Flooghaven un de Infrastruktur vun Mwanza denn as Angelkrüüz vun de humanitäre Hülp bruukt worrn, wat de Stadt ok wedder to veel Opswung verhulpen hett.

Weertschop[ännern | Bornkood ännern]

So teihn Kilometer to’n Noordoosten liggt de Flooghaven Mwanza. De Bahnlien warrt vör allen för’n Göderverkehr bruukt, aver dat gifft ok Personenverkehr över Tabora na Dodoma. De Haven is de wichtigste an’n Viktoriasee. Dat gifft veel Fähren un Frachtverkehr binnen Tansania un na Uganda un Kenia. En Straat geiht na Shinyanga un Singida.

An Industrie gifft dat vör allen Fischeree, Slachtereen, Textilindustrie un Sepenproduktion. Mit de Fischeree op Nilboors sett sik ok de Dokumentarfilm Darwin’s Nightmare utenanner.

Sport[ännern | Bornkood ännern]

De Stadt is mit’n Footballvereen Toto African in de 1. Liga vun Tansania vertreden.

Partnerschoppen[ännern | Bornkood ännern]

1966 hett Mwanza en Partnerschop slaten to Würzborg. En twete Partnerschop gifft dat mit Tampere.

Weblenken[ännern | Bornkood ännern]

Partnerstadt Würzburg über Mwanza
Koordinaten:2° 31′ S, 32° 54′ O