Würzborg

Würzborg is en kreisfree Stadt in dat Bundsland Bayern, Bezirk Unterfranken. De Stadt is Seet van de Regeeren Unterfranken un van den Landkreis Würzborg, aber ok Bischopsseet van de röömsch-kathoolsch Diözese Würzborg. Se liggt an den Stroom Main.

De Universitätsstadt hett 126.010 Inwahner (Stand: 2016) up en Flach van 87,63 km² un is dormit nah München, Nürnbarg, Augsborg, Regensborg un Ingolstadt de sössgröttste Stadt van Bayern. De Stadt is en van 23 Böverzentren van Bayern un is in 13 Stadtbezirke mit 25 Stadtdeelen ünnerdeelt.

Historie

704 wurr Würzborg eerstmals as „Castellum Virteburch“ in en Oorkunn nömmt un kunn so 2004 dat 1300-johrige Stadtjubiläum fiern. All in dat Middelöller weer Würzborg en wertschaplich un geistlich Zentrum, wurr in’n Tweeten Weltkrieg aber düchtig beschädigt un ansluutend weer gröttstendeels nee upboot. De in’n Krieg swoor beschädigte un ansluutend ok weer upboot Würzborger Residenz mit Hoffgorden un Residenzplatz wurr 1981 in dat UNESCO-Weltkulturarv upnommen. Se weer nah den Akener Dom dat tweet düütsch Bowark up de List.

Bekannt Lüüd ut de Stadt

• Frank Baumann (*1975), Footballnatschonalspeler
• Franz Halder (1884-1972), Heeresoffizier in’n Tweeten Weltkrieg
• Werner Heisenberg (1901-1976), Physiker un Nobelpriesdräger
• Martina Nöth (*1974), Schrieversche
• Karl Wien (1906-1937), Bargstieger

Galerie

• Würzborg - Würzburg
• 
• 
• 
• 
• 
• 
• 
• 
• 
• 

Weblinks

• Website van de Stadt Würzborg