Merle Oberon

Vun Wikipedia
Zur Navigation springen Zur Suche springen
Merle Oberon in Der Herzensbrecher.

Merle Oberon, eegentlich Estelle Merle O'Brien Thompson (* 19. Februar 1911 in Bombay (nah eeegen Angaven in Tasmanien[1]); † 23. November 1979 in Malibu), weer en anglo-indisch [2]britisch Schauspelerin.

Karriere[ännern | Bornkood ännern]

Merle Oberon is in Britisch-Indien upwussen un hett dat La Martinère College in Kalkutta besöcht. Mit 17 Johren keem se nah London.

Hör Schauspeelloopbahn fung dor in de 1930er Johren an. An de Siet vun Charles Laughton gelung hör as Anna Boleyn in den Film Das Privatleben von Heinrich VIII. de Dörbröök. Se kreeg en Verdrag mit Samuel Goldwyn un gung 1934 in de USA, wo se en spoodriek Karriere in Hollywood harr. Hör eerst Striepen in den USA, Folies Bergère an de Siet vun Maurice Chevalier, weer 1935 kien grooten Erfolg. Oberon hett doruphen hör Make-Up ännert un wurr later to’n Star mit den Film Der Weg im Dunkel, de he an de Siet vun Fredric March wies un hör up de Oscarverleehn 1936 en Nomineeren as best Hööftdorstellerin inbroch. För hör Upträe in Infame Lügen, de Verfilmen vun dat Bühnenstück The Children's Hour (dt. Die Kinderstunde) vun Lillian Hellman an de Siet vun Joel McCrea un Miriam Hopkins ünner de Regie vun William Wyler kreeg Oberon good Kritiken. David O. Selznick hett hör doruphen för de Verfilmen vun Der Garten Allahs anhüert, hett hör den Verdrag weer künnigt, as Marlene Dietrich free wurr. Oberon kreeg good 60.000.00 Dollar Entschädigung. 1937 weer Oberon as Messalina in de Verfilmen vun den historschen Roman I, Claudius vun Robert Graves neben Charles Laughton as röömsch Kaiser Claudius ünner de Regie vun Josef von Sternberg besett. De Schauspelerin hett wiels de Dreiharbeiten en sworen Verkehrsunfall harrt, vun de se tietlevens Narben in hör Gesicht behull. Nah dat Unglück wurrn de Dreiharbeiten instellt. 1939 dreih se ünner de Regie vun Wiliam Wyler Sturmhöhe, de Verfilmen vun Emily Bronte hör glieknaamigen Roman. Se speel an de Siet vun Laurence Olivier un David Niven. Wyler un Oberon keemen nich good mitnanner ut, doch an’ Enn’ hett de Schauspelerin en bannig good Dorstellen leefert. Bit Enn’ vun de 1940er Johren bleev Oberon good in’t Filmgewarf un harr völ to doon, aber mit dat nee Johrteint wurr hör Präsenz hööftsächlich up Nevenrullen minneseert.

Merle Oberon weer bekannt för hör besünners good Geschäftssinn un hett hör Gagen good anleggt harrt. Se harr mehrer Wahnsitten, so ok in Acapulco un an de Riviera. 1975 hett se den 25 Johr jüngeren Schauspeler Robert Wolders heiraadt, den se 1973 bi de Dreiharbeiten to hör letzt Film Interval kennen lehrt harr un leev de letzt Johren in luxuriöös Torüchtruckenheit.

In eerste Ehe weer se mit den Regisseur Alexander Korda van 1939 bit 1945 verheiraadt. In dat glieker Johr hett se den Kameramann Lucien Ballard heiraadt. De Ehe hull bit 1949. En darte Ehe geev dat van 1957 bit 1973 mit Bruno Pagliai, mit de se ok twee Kinner harr.

Filmrullen (Utwahl)[ännern | Bornkood ännern]

Johr Titel Synchroonsnacker
1933 The Private Life of Henry VIII.
dt.: Das Privatleben Heinrichs VIII.
 
1934 The Private Life of Don Juan
dt.: Das Privatleben des Don Juan
 
1934 The Scarlet Pimpernel
dt.: Die scharlachrote Blume
Bettina Schön (Synchro 1964)
1935 The Dark Angel
dt.: Der Weg im Dunkel
 
1935 Folies Bergère de Paris  
1936 Beloved Enemy
dt.: Geliebter Rebell
 
1936 These Three
dt.: Infame Lügen
 
1938 The Divorce of Lady X  
1938 The Cowboy and the Lady
dt.: Mein Mann, der Cowboy
Gisela Hoeter (Synchro 1950)
1939 Wuthering Heigts
dt.: Sturmhöhe
 
1941 That Uncertain Feeling
dt.: Ehekomödie
 
1941 Affectionately Yours
dt.: Der Herzensbrecher
 
1941 Lydia
dt.: Ein Frauenherz vergißt nie
 
1945 A Song to Remember
dt.: Polonaise
 
1948 Berlin-Express Marion Degler 1. Synchro
Katja Nottke (Synchro 2001)
1954 Désirée Tilly Lauenstein
1956 The Price of Fear
dt.: Schonungslos
 
1965 The Oscar
dt.: … denn keiner ist ohne Schuld
Bettina Schön
1967 Hotel
dt.: Das Hotel
 

Enkeld Nahwiesen[ännern | Bornkood ännern]

  1. http://www.bbc.co.uk/news/magazine-20857969
  2. http://www.bbc.co.uk/news/magazine-20857969

Weblenken[ännern | Bornkood ännern]

Commons-logo.svg Merle Oberon. Mehr Biller, Videos oder Audiodateien to’t Thema gifft dat bi Wikimedia Commons.