David O. Selznick

Vun Wikipedia
David O. Selznick (1940)

David O. Selznick (* 10. Mai 1902 in Pittsburgh, USA; † 22. Juni 1965 in Hollywood, Los Angeles) weer en US-amerikaanschen Filmproduzent. To sien bekanntsten Filme tellt King Kong, Gone with the Wind, Rebecca un Duel in the Sun.

Leven un Wark[ännern | Bornkood ännern]

Selznick stamm ut en jöödsche Familie. He weer de Söhn vun den Stummfilmspeelbaas Lewis J. Selznick. Dat O. in sien Naam hett he sülvst nadräglich infögen laten[1]. Selznick hett an de Columbia University in New York City studeert, dat Studium aver afbroken un denn in de 1920er Johren bi MGM as Dreihbooklekter un Helpsmann vun’n Speelbaas anfungen. In’n Verloop vun de Tiet hett he för Paramount Pictures arbeit, woneem he en poor spoodrieke Filmen mit Ruth Chatterton produzeert hett, un ok för RKO Pictures. Dor weer he för Filmen verantwoortlich as The Most Dangerous Game oder King Kong.

Na sien Hochtiet mit Irene Mayer, de Dochter vun Louis B. Mayer, güng he 1933 torüch na MGM. Anlockt weer he vör allen dör dat Verspreken, dat he en Film mit Greta Garbo produzeren dröff. De beiden hebbt sik op Anna Karenina verstännigt. De Garbo weer mit dat Resultat düchtig tofreden un wull Selznick as duersomen Produzenten hebben. Man na den Spood vun A Tale of Two Cities un David Copperfield hett he 1936 beslaten mit Selznick International sien egen Produkschoonsfirma to grünnen. De Produkschonen dorvun weern dör United Artists an de Kinos verleht. Eersten Spood harr he mit The Prisoner of Zenda, A Star Is Born as ok Intermezzo mit Ingrid Bergman.

As he 1939 na meist dree Johren Tiet to’n Planen un Vörbereiden Gone with the Wind in de Kinos bröch, is Selznick to een vun de beropensten fre’en Filmproduzenten vun Hollywood opstegen. De Rechten an den Roman hett he al 1936 för 50.000 US-Dollar köfft, noch vördem dak Book rutkamen is. He weer to de Tiet noch nich mol övertüügt, dat de Roman een vun de gröttsten Bestsellers vun de Literaturhistorie warrn de. De eersten Biller, de in’n Film bruukt worrn sünd, entstünnen 1938: Selznick wull sien Studiogrundstück nee opboen un hett dat dorför eenmol vullstännig daalböten laten. De Opnahmen dorvun hett he in den Film för den Brand vun Atlanta insett. To de Tiet weern de Rullen noch nich besett un dat Dreihbook noch nich fardig. Wietere spoodrieke Filmen, de ünner sien Produkschoon entstahn sünd weern Hitchcock sien beiden Filmen Rebecca un Spellbound as ok Since You Went Away, Duell in the Sun un Jenny.

De Eh mit Irene Mayer is later scheedt worrn. Dorna hett Selznick in’n Juli 1949 de Schauspelersche Jennifer Jones heiraat. Doodbleven is Selznick 1965 an en Hartinfarkt.

Filmografie (Utwahl)[ännern | Bornkood ännern]

Johr Originaltitel dt. Titel
1924 Roulette Roulette
1930 Street of Chance Street of Chance
1932 The Lost Squadron Die letzten Vier
1932 The Most Dangerous Game Graf Zaroff - Genie des Bösen
1932 A Bill of Divorcement Eine Scheidung
1933 King Kong King Kong und die weiße Frau
1933 Night Flight Nachtflug
1934 Viva Villa! Schrei der Gehetzten
1934 Manhattan Melodrama Manhattan Melodrama
1935 David Copperfield David Copperfield
1935 Anna Karenina Anna Karenina
1935 A Tale of Two Cities Flucht aus Paris
1936 Little Lord Fauntleroy Der kleine Lord
1936 The Garden of Allah Der Garten Allahs
1937 A Star Is Born Ein Stern geht auf
1937 The Prisoner of Zenda Der Gefangene von Zenda
1937 Nothing Sacred Denen ist nichts heilig
1938 The Adventures of Tom Sawyer Toms Abenteuer
1938 The Young in Heart Gauner mit Herz
1939 Made for Each Other Ein ideales Paar
1939 Intermezzo Intermezzo
1939 Gone with the Wind Vom Winde verweht
1940 Rebecca Rebecca
1944 Since You Went Away Als Du Abschied nahmst
1945 Spellbound Ich kämpfe um dich
1946 Duel in the Sun Duell in der Sonne
1947 The Paradine Case Der Fall Paradin
1948 Portrait of Jennie Jenny
1949 The Third Man Der dritte Mann
1950 Gone to Earth Die schwarze Füchsin
1957 A Farewell to Arms In einem anderem Land

Utteken[ännern | Bornkood ännern]

Selznick weer för sien Produkschonen söss mol persönlich för Filmpriesen nomineert, vun de he fief wunnen hett:

Weblenken[ännern | Bornkood ännern]

Borns[ännern | Bornkood ännern]

  1. David O. Selznick: Memo from David O. Selznick, S.3 , Modern Library, New York, 2000, ISBN 0-375-75531-4