Melolonthinae

Vun Wikipedia
Zur Navigation springen Zur Suche springen
Melolonthinae
Systematik
Stamm: Liddfööt (Arthopoda)
Ünnerstamm: Tracheendeerter (Tracheata)
Böverklass: Sessfööt (Hexapoda)
Klass: Insekten (Insecta)
Ünnerklass: Fleeginsekten (Pterygota)
Böverornen: Neeflunken (Neoptera)
Ornen: Kävers (Coleoptera)
Ünnerornen: Polyphaga
Böverfamilie: Scarabaeoidea
Familie: Scarabäuskävers (Scarabaeidae)
Ünnerfamilie: Melolonthinae
Wetenschoplich Naam
Macleay, 1819

Bi de Melolonthinae hannelt sik dat um en Unnerfamilie vun de Scarabäuskävers.

Kennteken[ännern | Bornkood ännern]

As Imagines sünd Melolonthinae twuschen 3 un 60 Millimeters lang. Normolerwiese sünd se roodbruun bit hen na swatt, man dat gifft ok de wecken Aarden, de glimmert blau oder gröön, as Metall. Annere fallt up dör de Schinnen, wo se mit tekent sünd oder dör de dichten Haare. An‘n Kopp sitt normolerwiese nix an, ok keen Hörner. Just so sitt an dat Pronutum nie nich Hörner an.

Wie se leven doot[ännern | Bornkood ännern]

De adulten Kävers just so, as de Budden vun de meisten Aarden freet Planten. Bi de wecken Aarden nehmt de Imagines nix mehr to sik. De meisten Budden leevt unner de Eer un gnaagt an Wuddeln. De Imagines freet u.a. Blöder vun Loofböme. De könnt se ganz affreten. En Reeg vun Aarden gaht bi Blöten bi un freet Pollen. De sünd meist over Dag togange, wieldes de annern faken in’e Nacht unnerwegens sünd.

Bedüden or de Ökonomie[ännern | Bornkood ännern]

Allerhand Kävers ut düsse Unnerfamilie sünd worraftig Untüüch un schaadt de Weertschop bannig. Dor höört u.a. dat Geslecht Phyllophaga in Noordamerika to, just so, as de Maikävers ut dat Geslecht Melolontha in Europa.

Systematik[ännern | Bornkood ännern]

Bi de Melolonthinae hannelt sik dat mank de Scarabäuskävers um de Unnerfamilie mit de meisten Aarden: Dor höört up de ganze Welt bi 11.000 Aarden in 750 Geslechter to (Stand: 1992). Dat warrt annahmen, datt allerhand Aarden, sunnerlich in de Tropen, noch gor nich beschreven wurrn sünd.

De List, de hier unnersteiht, deelt de Melolonthinae in Tribus in un hoolt sik an Patrice Bouchard un Kollegen. Hüdigendags (Stand:2015) besteiht hier woll an'n ehrsten en Konsens over, man dat gift allerhand Schrievers, de meent, dat dö sik ganz anners verhollen. Vundeswegen mutt dormit rekent weern, datt sik hier noch allerhand an ännert.

Aarden (Utwahl)[ännern | Bornkood ännern]

Weblenken[ännern | Bornkood ännern]

Commons-logo.svg Melolonthinae . Mehr Biller, Videos oder Audiodateien to’t Thema gifft dat bi Wikimedia Commons.