Max Greger

Max Greger (* 2. April 1926 in München-Giesing; † 15. August 2015 in München) weer en düütsch Jazz-Musiker, Saxophonist, Big-Band-Leader un Dirigent.

Biografie

Eegentlich harr Max de Metzgeree vun sien Öllern övernehmen sullt. 1936 hett hüm sien Grootvader aber en Akkordeon schunken un legg dormit den Grundsteen to de musikalisch Entwicklung vun den damals teihnjohrigen Max. Neben den Besöök vun en Upbauschool absolveer Max Greger en Studium vun de Klarinett un vun dat Saxophon an dat Münchner Konservatorium.

As 18-Johrig wurr Max Greger 1944/45 noch to’n Kriegsdeenst intrucken. Aber all kört nah Kriegsenn’ speel he as en vun de eersten Düütschen vör allen in amerikaansch Offizierscasinos un wurr somit, gemeensam mit sien langjohrig Weggefährten Hugo Strasser, to en Pionier vun de düütsche Swing- und Jazzszene vun de Nahkriegstiet. 1948 hett he sien eerst eegen Ensemble ünner de Naam Max-Greger-Sextett grünnd, to dat ok Hugo Strasser hörrn dee. Dagsöver speel he hööftsächl Volktümliches för den Bayerischen Rundfunk un abends in amerikaansch Clubs, wo af und an ok Grötten as Duke Ellington oder Ella Fitzgerald in’t Publikum seeten. Eerste Schallplattenupnahmen mit eegen Danz- und Slagerkomositschonen as Auf Bergeshöhen, Rock’n’Roll Boogie, Verliebte Trompeten, Max & Sax, Looping Blues, Keiner küßt wie Du, Teenager Cha Cha un Rock Twist folgten alsbald, as ok utdehnt Tourneen dör Düütschland un Europa. As eerst westlich Band siet 35 Johren drüf Max Greger 1959 en Tournee in de Sowjetunion starten.

Af 1963 un bit 1977 harr den Bandleader en fasten Verdrag mit dat ZDF. Greger weer in disse Tiet ständig Gast bi all groot ZDF-Liveshows as Vergißmeinnicht, Der goldene Schuß, 3 mal 9, Musik ist Trumpf un Der große Preis. De Thomas Reich-Kompositschoon Up to Date, upführt vun sien Orchester, is de Titelmelodie vun Aktuellen Sportstudio 1970 weer he mit sien Kollegen das eenzig düütsch Orchester bi de Weltutstellung in Ōsaka.

1971 weer he in Kurt Wilhelms TV-Komödie Olympia-Olympia neben Beppo Brem, Joachim Fuchsberger un Helga Anders to sehn.

1986 fier Greger bi dat ZDF sien 60. Geburtsdag mit en „Super-Band“, to de sück hüm to Ehren berühmt Kollegen as Hazy Osterwald, Paul Kuhn, Hugo Strasser un James Last tosommenfunnen. Siet 1992 is he noch as Gastdirigent bi apenlich Veranstaltungen un Studioproduktionen vun de SWR Big Band aktiv.

En tragisch Unfall passeer 1992, bi de Swager vun Greger to Dood keem. As beid in’t Garage an en Auto an’t arbeiten weern, is Greger vun’t Bremspedal rutscht un de Automatik-Wagen sett sück in Bewegung un hett den Swager doodquetscht. Greger wurr dorför nich bestraft. „Mit dem tragischen Unfall ist er genug gestraft“, meen de Böverstaatsanwalt un leet dat Verfohren wegen fahrlässiger Tötung instellen.

To sien 80. Geburtstag hett he en Geburtsdagstournee dör Düütschland makt. Max Greger is verheiraadt mit Johanna un hett een Tochter (Hannerl) un en Söhn, Max jun. (* 1951), de ok as Musiker un Arrangeur spoodriek is, un de sien Söhn ok Max (* 1982) heet un in München Rechtswetenschapen studeert, aber ok de Musik to sien groot Hobby makt hett. He is an en swoor Krebserkrankung storven.

Upnahmen

Van 1955 bit 1977 ünnerholl Max Greger en eegen Bigband, mit de he över 3000 verscheeden Titel up Schallplatte upnommen hett. Dat Repertoire reckt vun Slagermusik bi to’n Jazz.

Utteknungen

1987 kreeg Max Greger dat Bundverdeenstkrüüz I. Klasse.
2006 wurr Max Greger för en Amadeus Austrian Music Award nomineert.

Weblinks