Larry Coryell

Larry Coryell (* 2. April 1943 in Galveston, Texas; † 19. Februar 2017 in New York City, New York)) weer en US-amerikaansch Jazzgitarrist.

Leven un Wark

Nah sien Studium truck Coryell nah New York City un wurr as Nahfolger vun Gábor Szabó Mitglied im Chico Hamilton Quintett. In de folgend Johren speel he in de Grupp vun Gary Burton, bi Herbie Mann un en mit den Saxophonisten Jim Pepper grünnd fröh Jazz-Rock-Band The Free Spirits. Nah en eerst Tosommenspeel mit John McLaughlin un Miroslav Vitouš hett he 1973 sien eegen Grupp, The Eleventh House grünnd. Sien dormalig Speel hett bispeelswies ok Volker Kriegel beinfloot.

Ansluutend speel he vörwiegend akustisch Gitarr, bispeelswies in‘ Duo mit Philip Catherine, mit de he ok an Upnahmen vun Charles Mingus bedeeligt weer. Beid hebbt ok en Album (Young Django, 1979) gemeensam mit Stéphane Grappelli un Niels-Henning Ørsted Pedersen upnommen. 1978 entstunnen Upnahmen mit Miles Davis, de allerdings nich verapenlicht wurrn. Davis speel dorup blots Keyboard. Mit John McLaughlin un Flamencogitarrist Paco de Lucia hett he 1979 en Trio bild, dat in Europa up Tournee weer (Videoupnahm ut de Royal Albert Hall in London ünner den Titel "Meeting of Spirits"), bevör he wegen Drogenproblemen utscheeden is un dör Al Di Meola ersett wurr.

Siet de 1980er Johren speelt Coryell weer hööftsächlich E-Gitarr. In de letzt Johren weer he an Gitarrentrios mit Badi Assad un John Abercrombie as ok mit Al Di Meola un Biréli Lagrène bedeeligt (Videoupnahmen) un hett ok mit Elios Ferré speelt. Toletzt leev he in Kissimee, Florida.

Utwahldiscographie

Larry Coryell: Coryell (1969)
Larry Coryell At the Village Gate (mit Mervin Johnson, Harry Wilkinson, Julie Coryell, 1971)
The Real Great Escape (1973)
Introducing Eleventh House (1974)
The Restful Mind (mit Ralph Towner, Glen Moore und Collin Walcott, 1975)
The Eleventh House - Aspects (1976)
Charles Mingus: Three or Four Shades of Blue (1977)
Future's gold (mit Albert Dailey, Ricky Ford, Ray Drummond, Jimmy Cobb, 1983)
Igor Stravinsky: Le Sacre du Printemps (1983)
Larry Coryell Fallen Angel CTI Records 1993 (mit Jeanie Bryson)

Weblenken