Langenfeldium

Dat Langenfeldium is en Tiedafsnidd in de Geologie, de von üm un bi 12,25 bet 9,75 Millionen Johr vör uns Tied reckt. Dat is Deel von dat Miozän un binnen dat Miozän von dat Serravallium (13,82–11,608 Ma) un dat Tortonium (vör 11,608-7,246 Ma). De Utdruck Langenfeldium warrt blots för de Sedimenten in Noorddüütschland un ümto bruukt (Noorddüütsch Tertiärbecken). De Naam kummt af von’n Oort Langenfeld. Dor hett dat de Tegeleekuhl Kallmorgen geven, in de na 1875 Toon graavt worrn is un veel Fossilien funnen worrn sünd.

Vör dat Reinbekium keem dat Reinbekium (15,5-12,25 Ma) un achterna dat Gramium (9,75-7,9 Ma).

Desülve Tied in Süüddüütschland un Middeleuropa (zentrale Paratethys) warrt in de Tiedafsneed Sarmatium (12,8-11,2 Ma) un Pannonium (11,2-5,3 Ma) indeelt.

De Sedimenten von dat Langenfeldium sünd vör allen Kalksandsteen, in de ok veel Schalen von Mollusken to finnen sünd. Noorddüütschland leeg to de Tied op’n Grund von en siede See. As Leidfossilien warrt ünner annern de Sniggen Aquilofusus luneburgensis un Aquilofusus lategradatus un de Muscheln Astarte gleuei, Astarte vetula un Astarte anus ansehn.