Gramium

Dat lett so, as wenn disse Artikel nich so akraat is as de ween schull. Kiek up Wikipedia:Pleeg, daar to diskuteren, wat verbetert oder ännert warrn mott.

Dat Gramium is en Tiedafsnidd in de Geologie, de von üm un bi 9,75 bet 7,9 Millionen Johr vör uns Tied reckt. Dat is Deel von dat Miozän un binnen dat Miozän von dat Tortonium (vör 11,608-7,246 Ma). De Utdruck Gramium warrt blots för de Sedimenten in Noorddüütschland un ümto bruukt (Noorddüütsch Tertiärbecken). De Naam kummt af von’n Oort Gram in Däänmark, bi den dat de Toonkuhl Gram Lergrav gifft. Dor hebbt se Schichten ut dat Gramium funnen.

Vör dat Gramium keem dat Langenfeldium (12,25-9,75 Ma) un achterna dat Syltium (7,9-5,25 Ma).

Desülve Tied in Süüddüütschland un Middeleuropa (zentrale Paratethys) fallt in den Tiedafsnidd Pannonium (11,2-5,3 Ma).

De Sedimenten von dat Gramium sünd vör allen Kalksandsteen, in de ok veel Schalen von Mollusken to finnen sünd. Noorddüütschland leeg to de Tied op’n Grund von en siede See. As Leidfossilien warrt ünner annern de Snigg Aquilofusus semiglaber un de Muschel Carinastarte vetula reimersi ansehn.

Schuvels ut dat Gramium is fakener in Form von Flensborger Steen to finnen.